हक़ीक़त बन गई ख़ुद ही हिजाब आहिस्ता आहिस्ता
नज़र को ले मरा ज़ौक़-ए-सराब आहिस्ता आहिस्ता
तड़प पैदा तो कर दिल में रुख़-ए-ज़ेबा के सौदाई
सरक जाएगा ख़ुद उन का नक़ाब आहिस्ता आहिस्ता
सलीक़ा आ गया है शैख़ को भी होश-मंदी का
लगा है माँगने जाम-ए-शराब आहिस्ता आहिस्ता
जहान-ए-आब-ओ-गिल भी देखने की चीज़ थी लेकिन
बशर ने कर दिया उस को ख़राब आहिस्ता आहिस्ता
कोई दिन के हैं जल्वे मस्तियाँ भर दो फ़ज़ाओं में
गुज़र जाएगा ये अहद-ए-शबाब आहिस्ता आहिस्ता
बशर अब रोकने को है मह-ओ-अंजुम की गर्दिश को
ये देखेगा ख़ुदाई के भी ख़्वाब आहिस्ता आहिस्ता
ये रूदाद-ए-मोहब्बत है इसे कहना तहम्मुल से
सुना जाएगा ऐ 'साबिर' ये बाब आहिस्ता आहिस्ता
haqīqat ban ga.ī ḳhud hī hijāb āhista āhista
nazar ko le marā zauq-e-sarāb āhista āhista
taḌap paidā to kar dil meñ ruḳh-e-zebā ke saudā.ī
sarak jā.egā ḳhud un kā naqāb āhista āhista
salīqa aa gayā hai shaiḳh ko bhī hosh-mandī kā
lagā hai māñgne jām-e-sharāb āhista āhista
jahān-e-āb-o-gil bhī dekhne kī chiiz thī lekin
bashar ne kar diyā us ko ḳharāb āhista āhista
koī din ke haiñ jalve mastiyāñ bhar do fazāoñ meñ
guzar jā.egā ye ahd-e-shabāb āhista āhista
bashar ab rokne ko hai mah-o-anjum kī gardish ko
ye dekhegā ḳhudā.ī ke bhī ḳhvāb āhista āhista
ye rūdād-e-mohabbat hai ise kahnā tahammul se
sunā jā.egā ai 'sābir' ye baab āhista āhista
حقیقت بن گئی خود ہی حجاب آہستہ آہستہ
نظر کو لے مرا ذوق سراب آہستہ آہستہ
تڑپ پیدا تو کر دل میں رخ زیبا کے سودائی
سرک جائے گا خود ان کا نقاب آہستہ آہستہ
سلیقہ آ گیا ہے شیخ کو بھی ہوشمندی کا
لگا ہے مانگنے جام شراب آہستہ آہستہ
جہان آب و گل بھی دیکھنے کی چیز تھی لیکن
بشر نے کر دیا اس کو خراب آہستہ آہستہ
کوئی دن کے ہیں جلوے مستیاں بھر دو فضاؤں میں
گزر جائے گا یہ عہد شباب آہستہ آہستہ
بشر اب روکنے کو ہے مہ و انجم کی گردش کو
یہ دیکھے گا خدائی کے بھی خواب آہستہ آہستہ
یہ روداد محبت ہے اسے کہنا تحمل سے
سنا جائے گا اے صابرؔ یہ باب آہستہ آہستہ