तक़दीर-ए-शम्अ' जल्वा-ए-जानाना बन गया
शो'ला उठा जो उस से तो पर्दा न बन गया
जो हाल-ए-दिल था कैफ़ में तासीर-ए-दर्द था
वो कहते कहते शौक़ का अफ़्साना बन गया
जन्नत की आरज़ू से है जन्नत का कल वजूद
वीराना कह दिया जिसे वीराना बन गया
यक क़तरा दिल था मस्त का पैमाना-ए-नसीब
साक़ी ने की निगाह तो मय-ख़ाना बन गया
मौक़ा-शनास हुस्न-ए-मोहब्बत के बाब में
अपना था और हश्र में बेगाना बन गया
उस की तलब में जब न रहा उस का कुछ लिहाज़
अंदाज़-ए-बे-क़रार गदायाना बन गया
यूँ अपने दर से टाल दिया उस के नाज़ ने
अंदाज़-ए-लुत्फ़-ए-ख़ास करीमाना बन गया
'कैफ़ी' हरम के दर पे था जो कुछ वो फ़ैज़ था
हाँ बुत-कदे में सज्दा-ए-शुकराना बन गया
taqdīr-e-sham.a jalva-e-jānāna ban gayā
sho.ala uThā jo us se to pardā na ban gayā
jo hāl-e-dil thā kaif meñ tāsīr-e-dard thā
vo kahte kahte shauq kā afsāna ban gayā
jannat kī aarzū se hai jannat kā kal vajūd
vīrāna kah diyā jise vīrāna ban gayā
yak qatra dil thā mast kā paimāna-e-nasīb
saaqī ne kī nigāh to mai-ḳhāna ban gayā
mauqa.a-shanās husn-e-mohabbat ke baab meñ
apnā thā aur hashr meñ begāna ban gayā
us kī talab meñ jab na rahā us kā kuchh lihāz
andāz-e-be-qarār gadāyāna ban gayā
yuuñ apne dar se Taal diyā us ke naaz ne
andāz-e-lutf-e-ḳhās karīmāna ban gayā
'kaifī' haram ke dar pe thā jo kuchh vo faiz thā
haañ but-kade meñ sajda-e-shukrāna ban gayā
تقدیر شمع جلوۂ جانانہ بن گیا
شعلہ اٹھا جو اس سے تو پردا نہ بن گیا
جو حال دل تھا کیف میں تاثیر درد تھا
وہ کہتے کہتے شوق کا افسانہ بن گیا
جنت کی آرزو سے ہے جنت کا کل وجود
ویرانہ کہہ دیا جسے ویرانہ بن گیا
یک قطرہ دل تھا مست کا پیمانۂ نصیب
ساقی نے کی نگاہ تو مے خانہ بن گیا
موقع شناس حسن محبت کے باب میں
اپنا تھا اور حشر میں بیگانہ بن گیا
اس کی طلب میں جب نہ رہا اس کا کچھ لحاظ
انداز بے قرار گدایانہ بن گیا
یوں اپنے در سے ٹال دیا اس کے ناز نے
انداز لطف خاص کریمانہ بن گیا
کیفیؔ حرم کے در پہ تھا جو کچھ وہ فیض تھا
ہاں بت کدے میں سجدۂ شکرانہ بن گیا