तमाम रात वो जागा किसी के वा'दे पर
'वफ़ा' को आ ही गई नींद रात ढलने पर
जो सब का दोस्त था हर अंजुमन की रौनक़ था
कल उस की लाश मिली उस के घर के मलबे पर
हर एक दोस्त के चेहरे को ग़ौर से देखा
फ़क़त ख़ुलूस का ग़ाज़ा था सब के चेहरे पर
वो ज़ौक़-ए-फ़न हो कि शाख़-ए-चमन कि ख़ाक-ए-वतन
हर इक का हक़ है मिरे ख़ूँ के क़तरे क़तरे पर
चमन में यूँ तो थे कुछ और आशियाँ लेकिन
गिरी जो बर्क़ तो मेरे ही आशियाने पर
हक़ीक़तें नज़र आईं तो किस तरह उन को
तअ'स्सुबात की ऐनक है जिन के चेहरे पर
करम मुझी पे था सब बाग़बान-ओ-गुलचीं का
किसी ने क़ैद किया और किसी ने नोचे पर
ये दश्त-ए-हुज़्न है कर्ब-ओ-बला का सहरा है
चलेगा कौन यहाँ अब 'वफ़ा' के रस्ते पर
tamām raat vo jaagā kisī ke va.ade par
'vafā' ko aa hī ga.ī niiñd raat Dhalne par
jo sab kā dost thā har anjuman key raunaq thā
kal us key laash milī us ke ghar ke malbe par
har ek dost ke chehre ko ġhaur se dekhā
faqat ḳhulūs kā ġhāza thā sab ke chehre par
vo zauq-e-fan ho ki shāḳh-e-chaman ki ḳhāk-e-vatan
har ik kā haq hai mire ḳhuuñ ke qatre qatre par
chaman meñ yuuñ to the kuchh aur āshiyāñ lekin
girī jo barq to mere hī āshiyāne par
haqīqateñ nazar aa.iiñ to kis tarah un ko
ta.assubāt key ainak hai jin ke chehre par
karam mujhī pe thā sab bāġhbān-o-gulchīñ kā
kisī ne qaid kiyā aur kisī ne noche par
ye dasht-e-huzn hai karb-o-balā kā sahrā hai
chalegā kaun yahāñ ab 'vafā' ke raste par
تمام رات وہ جاگا کسی کے وعدے پر
وفاؔ کو آ ہی گئی نیند رات ڈھلنے پر
جو سب کا دوست تھا ہر انجمن کی رونق تھا
کل اس کی لاش ملی اس کے گھر کے ملبے پر
ہر ایک دوست کے چہرے کو غور سے دیکھا
فقط خلوص کا غازہ تھا سب کے چہرے پر
وہ ذوق فن ہو کہ شاخ چمن کہ خاک وطن
ہر اک کا حق ہے مرے خوں کے قطرے قطرے پر
چمن میں یوں تو تھے کچھ اور آشیاں لیکن
گری جو برق تو میرے ہی آشیانے پر
حقیقتیں نظر آئیں تو کس طرح ان کو
تعصبات کی عینک ہے جن کے چہرے پر
کرم مجھی پہ تھا سب باغبان و گلچیں کا
کسی نے قید کیا اور کسی نے نوچے پر
یہ دشت حزن ہے کرب و بلا کا صحرا ہے
چلے گا کون یہاں اب وفاؔ کے رستے پر