हुस्न-ए-ख़ुद-बीं का इशारा मुझे मालूम न था
उन की आँखों में है शिकवा मुझे मालूम न था
अब सिवा मर्सिया-ए-कम-निगही क्या कहिए
सामने था मिरे जल्वा मुझे मालूम न था
मुझ को शिकवा नहीं कुछ आतिश-ए-गुल से लेकिन
आशियाँ यूँ भी जलेगा मुझे मालूम न था
गुम हुई गेसू-ए-जानाँ की सियाही इस में
इतनी तारीक है दुनिया मुझे मालूम न था
ख़ून-ए-दिल जिस के लिए सर्फ़ किया है मैं ने
वो है तारीक उजाला मुझे मालूम न था
दूर तक नक़्श-ए-क़दम है न निशान-ए-सज्दा
मैं हूँ इस राह में तन्हा मुझे मालूम न था
मैं ग़म-ए-अह्द-ए-तअ'ल्लुक़ को भुला बैठा था
दिल का हर ज़ख़्म है ताज़ा मुझे मालूम न था
देख कर हुस्न का उतरा हुआ चेहरा गुम हूँ
उन का ये हाल भी होगा मुझे मालूम न था
और भी कुछ दर-ए-ज़िंदाँ से निकलते ही 'वफ़ा'
सख़्त हो जाएगा पहरा मुझे मालूम न था
husn-e-ḳhud-bīñ kā ishāra mujhe ma.alūm na thā
un kī āñkhoñ meñ hai shikva mujhe ma.alūm na thā
ab sivā marsiya-e-kam-nigahī kyā kahiye
sāmne thā mire jalva mujhe ma.alūm na thā
mujh ko shikva nahīñ kuchh ātish-e-gul se lekin
āshiyāñ yuuñ bhī jalegā mujhe ma.alūm na thā
gum huī gesū-e-jānāñ kī siyāhī is meñ
itnī tārīk hai duniyā mujhe ma.alūm na thā
ḳhūn-e-dil jis ke liye sarf kiyā hai maiñ ne
vo hai tārīk ujālā mujhe ma.alūm na thā
duur tak naqsh-e-qadam hai na nishān-e-sajda
maiñ huuñ is raah meñ tanhā mujhe ma.alūm na thā
maiñ ġham-e-ahd-e-ta.alluq ko bhulā baiThā thā
dil kā har zaḳhm hai taaza mujhe ma.alūm na thā
dekh kar husn kā utrā huā chehra gum huuñ
un kā ye haal bhī hogā mujhe ma.alūm na thā
aur bhī kuchh dar-e-zindāñ se nikalte hī 'vafā'
saḳht ho jā.egā pahra mujhe ma.alūm na thā
حسن خود بیں کا اشارہ مجھے معلوم نہ تھا
ان کی آنکھوں میں ہے شکوہ مجھے معلوم نہ تھا
اب سوا مرثیۂ کم نگہی کیا کہئے
سامنے تھا مرے جلوہ مجھے معلوم نہ تھا
مجھ کو شکوہ نہیں کچھ آتش گل سے لیکن
آشیاں یوں بھی جلے گا مجھے معلوم نہ تھا
گم ہوئی گیسوئے جاناں کی سیاہی اس میں
اتنی تاریک ہے دنیا مجھے معلوم نہ تھا
خون دل جس کے لئے صرف کیا ہے میں نے
وہ ہے تاریک اجالا مجھے معلوم نہ تھا
دور تک نقش قدم ہے نہ نشان سجدہ
میں ہوں اس راہ میں تنہا مجھے معلوم نہ تھا
میں غم عہد تعلق کو بھلا بیٹھا تھا
دل کا ہر زخم ہے تازہ مجھے معلوم نہ تھا
دیکھ کر حسن کا اترا ہوا چہرہ گم ہوں
ان کا یہ حال بھی ہوگا مجھے معلوم نہ تھا
اور بھی کچھ در زنداں سے نکلتے ہی وفاؔ
سخت ہو جائے گا پہرہ مجھے معلوم نہ تھا