हर एक आँख को ज़ौक़-ए-जमाल दे या-रब
दिलों को इश्क़-ओ-वफ़ा का जलाल दे या-रब
है मेरे ज़ेहन-ए-रसा में जो इक तसव्वुर-ए-हक़
मिरा क़लम उसी साँचे में ढाल दे या-रब
ज़बाँ से बात जो निकले हमेशा हक़ निकले
लिसान-ए-सिद्क़ को हुस्न-ए-मक़ाल दे या-रब
इस अह्द-ए-ज़ोर में इस का सँभलना मुश्किल है
तू ही शरीफ़ों की पगड़ी सँभाल दे या-रब
खटक रहा है दिलों में मिरे हरीफ़ों के
बहुत दिनों से जो काँटा निकाल दे या-रब
नफ़स में गर्मी-ए-ईमान-ए-बूज़र-ओ-सलमाँ
दिलों में सोज़-ए-उवेस-ओ-बिलाल दे या-रब
जो ख़्वाहिशों में घिरा हो वो तुझ से क्या माँगे
तुझे जो देना है वो बे-सवाल दे या-रब
har ek aañkh ko zauq-e-jamāl de yā-rab
diloñ ko ishq-o-vafā kā jalāl de yā-rab
hai mere zehn-e-rasā meñ jo ik tasavvur-e-haq
mirā qalam usī sāñche meñ Dhaal de yā-rab
zabāñ se baat jo nikle hamesha haq nikle
lisān-e-sidq ko husn-e-maqāl de yā-rab
is ahd-e-zor meñ is kā sañbhalnā mushkil hai
tū hī sharīfoñ kī pagḌī sañbhāl de yā-rab
khaTak rahā hai diloñ meñ mire harīfoñ ke
bahut dinoñ se jo kāñTā nikāl de yā-rab
nafas meñ garmī-e-īmān-e-būzar-o-salmāñ
diloñ meñ soz-e-uvais-o-bilāl de yā-rab
jo ḳhvāhishoñ meñ ghirā ho vo tujh se kyā māñge
tujhe jo denā hai vo be-savāl de yā-rab
ہر ایک آنکھ کو ذوق جمال دے یا رب
دلوں کو عشق و وفا کا جلال دے یا رب
ہے میرے ذہن رسا میں جو اک تصور حق
مرا قلم اسی سانچے میں ڈھال دے یا رب
زباں سے بات جو نکلے ہمیشہ حق نکلے
لسان صدق کو حسن مقال دے یا رب
اس عہد زور میں اس کا سنبھلنا مشکل ہے
تو ہی شریفوں کی پگڑی سنبھال دے یا رب
کھٹک رہا ہے دلوں میں مرے حریفوں کے
بہت دنوں سے جو کانٹا نکال دے یا رب
نفس میں گرمیٔ ایمان بوزر و سلماں
دلوں میں سوز اویس و بلال دے یا رب
جو خواہشوں میں گھرا ہو وہ تجھ سے کیا مانگے
تجھے جو دینا ہے وہ بے سوال دے یا رب