तारों वाली रात का आलम पीने और पिलाने से
साक़ी ने मय खींच के रख दी गोया दाने दाने से
तार-ए-गरेबाँ सीने वाले चाक-ब-दामन आए हैं
या'नी कुछ तक़दीर न सुलझी उलझी थी दीवाने से
रात नहीं ये ज़ीस्त का दिन है होश में आ बर्बाद न कर
शम्अ' फ़क़त मेहमान-ए-सहर है कौन कहे परवाने से
दैर-ओ-हरम से उठने वाले आए हैं मयख़ाने में
इस पे अगर तक़दीर उठा दे जाएँ कहाँ मयख़ाने से
जोश-ए-जुनूँ सा रहबर हो तो होश की मंज़िल दूर नहीं
दीवाने ने राह बना दी बस्ती तक वीराने से
साक़ी के अंदाज़ को देखो बे-ख़ुद पीने वालों में
मिलती है मय क़िस्मत से गो बटती है पैमाने से
ज़र्फ़ मिरी क़िस्मत का भरा है आप निगाह-ए-साक़ी ने
पैमाने को ख़ुम से मिली और ख़ुम को मिली पैमाने से
उम्र-ए-दो-रोज़ा 'कैफ़ी' की यूँ कट ही गई यूँ कटनी थी
काम रहा पैमाने से और साक़ी के मयख़ाने से
tāroñ vaalī raat kā aalam piine aur pilāne se
saaqī ne mai khīñch ke rakh dī goyā daane daane se
tār-e-garebāñ siine vaale chāk-ba-dāman aa.e haiñ
ya.anī kuchh taqdīr na suljhī uljhī thī dīvāne se
raat nahīñ ye ziist kā din hai hosh meñ aa barbād na kar
sham.a faqat mehmān-e-sahar hai kaun kahe parvāne se
dair-o-haram se uThne vaale aa.e haiñ maiḳhāne meñ
is pe agar taqdīr uThā de jaa.eñ kahāñ maiḳhāne se
josh-e-junūñ sā rahbar ho to hosh kī manzil duur nahīñ
dīvāne ne raah banā dī bastī tak vīrāne se
saaqī ke andāz ko dekho be-ḳhud piine vāloñ meñ
miltī hai mai qismat se go baTtī hai paimāne se
zarf mirī qismat kā bharā hai aap nigāh-e-sāqī ne
paimāne ko ḳhum se milī aur ḳhum ko milī paimāne se
umr-e-do-roza 'kaifī' kī yuuñ kaT hī ga.ī yuuñ kaTnī thī
kaam rahā paimāne se aur saaqī ke maiḳhāne se
تاروں والی رات کا عالم پینے اور پلانے سے
ساقی نے مے کھینچ کے رکھ دی گویا دانے دانے سے
تار گریباں سینے والے چاک بہ دامن آئے ہیں
یعنی کچھ تقدیر نہ سلجھی الجھی تھی دیوانے سے
رات نہیں یہ زیست کا دن ہے ہوش میں آ برباد نہ کر
شمع فقط مہمان سحر ہے کون کہے پروانے سے
دیر و حرم سے اٹھنے والے آئے ہیں میخانے میں
اس پہ اگر تقدیر اٹھا دے جائیں کہاں میخانے سے
جوش جنوں سا رہبر ہو تو ہوش کی منزل دور نہیں
دیوانے نے راہ بنا دی بستی تک ویرانے سے
ساقی کے انداز کو دیکھو بے خود پینے والوں میں
ملتی ہے مے قسمت سے گو بٹتی ہے پیمانے سے
ظرف مری قسمت کا بھرا ہے آپ نگاہ ساقی نے
پیمانے کو خم سے ملی اور خم کو ملی پیمانے سے
عمر دو روزہ کیفیؔ کی یوں کٹ ہی گئی یوں کٹنی تھی
کام رہا پیمانے سے اور ساقی کے میخانے سے