तारीख़ के औराक़ से जब गर्द हटेगी
सच्चाई के चेहरे पे नज़र भी तो पड़ेगी
सूली है अगर हक़ के लिए दौर-ए-ख़िरद में
तक़दीर-ए-जुनूँ पाँव को ज़ंजीर रहेगी
आता है तुम्हें ज़हर पिलाना तो पिलाओ
ये प्यास हमारी न बुझी है न बुझेगी
ये चाँद की किरनें ये हसीं रात का जादू
धड़कन अभी दिल की मिरे कुछ और बढ़ेगी
एहसास ने क़ुर्बत के जगा रक्खा है उतना
अब नींद भी शायद मिरी आँखों में चुभेगी
जब दूर नहीं मौसम-ए-गुल दौर-ए-ख़िज़ाँ से
ये ग़म की सियह रात सहर में भी ढलेगी
जाना है किधर कर लो 'नफ़ीस' अब ये त'अय्युन
कुछ दूर ही ये राहगुज़र साथ चलेगी
tārīḳh ke aurāq se jab gard haTegī
sachchā.ī ke chehre pe nazar bhī to paḌegī
suulī hai agar haq ke liye daur-e-ḳhirad meñ
taqdīr-e-junūñ paañv ko zanjīr rahegī
aatā hai tumheñ zahr pilānā to pilāo
ye pyaas hamārī na bujhī hai na bujhegī
ye chāñd kī kirneñ ye hasīñ raat kā jaadū
dhaḌkan abhī dil kī mire kuchh aur baḌhegī
ehsās ne qurbat ke jagā rakkhā hai utnā
ab niiñd bhī shāyad mirī āñkhoñ meñ chubhegī
jab duur nahīñ mausam-e-gul daur-e-ḳhizāñ se
ye ġham kī siyah raat sahar meñ bhī Dhalegī
jaanā hai kidhar kar lo 'nafīs' ab ye ta'ayyun
kuchh duur hī ye rāhguzar saath chalegī
تاریخ کے اوراق سے جب گرد ہٹے گی
سچائی کے چہرے پہ نظر بھی تو پڑے گی
سولی ہے اگر حق کے لیے دور خرد میں
تقدیر جنوں پاؤں کو زنجیر رہے گی
آتا ہے تمہیں زہر پلانا تو پلاؤ
یہ پیاس ہماری نہ بجھی ہے نہ بجھے گی
یہ چاند کی کرنیں یہ حسیں رات کا جادو
دھڑکن ابھی دل کی مرے کچھ اور بڑھے گی
احساس نے قربت کے جگا رکھا ہے اتنا
اب نیند بھی شاید مری آنکھوں میں چبھے گی
جب دور نہیں موسم گل دور خزاں سے
یہ غم کی سیہ رات سحر میں بھی ڈھلے گی
جانا ہے کدھر کر لو نفیسؔ اب یہ تعین
کچھ دور ہی یہ راہ گزر ساتھ چلے گی