ख़ुश-रंग परिंदे आए हैं मौसम पर गुलों के साए हैं
लो रक़्स को हम भी पाँव में ज़ंजीर पहन कर आए हैं
हर सम्त फ़ज़ा में हलचल है इक शोर बपा है गुलशन में
कुछ लोग क़फ़स से छूटे हैं कुछ तोड़ के ज़िंदाँ आए हैं
तारीकी फिर तारीकी है सुनते सुनते मिट पाएगी
कुछ दीप फ़सील-ए-शब पे मगर यारों ने आज जलाए हैं
इस दौर-ए-जहाँ में हम-‘असरो है फ़र्क़ बहुत इन दोनों में
वो ज़ख़्म जो तुम ने देखे हैं जो ज़ख़्म कि हम ने खाए हैं
वो सुब्ह के दरवाज़े से अभी इस शहर में दिन के आया है
फिर शाम के रूठे शहज़ादे को लोग मना कर लाए हैं
कुछ दाएरे दिल में लहरों के उठते हैं 'नफ़ीस' आख़िर क्यूँकर
इस झील के ठहरे पानी में पत्थर ये किधर से आए हैं
ḳhush-rang parinde aa.e haiñ mausam par guloñ ke saa.e haiñ
lo raqs ko ham bhī paañv meñ zanjīr pahan kar aa.e haiñ
har samt fazā meñ halchal hai ik shor bapā hai gulshan meñ
kuchh log qafas se chhūTe haiñ kuchh toḌ ke zindāñ aa.e haiñ
tārīkī phir tārīkī hai sunte sunte miT pā.egī
kuchh diip fasīl-e-shab pe magar yāroñ ne aaj jalā.e haiñ
is daur-e-jahāñ meñ ham-‘asro hai farq bahut in donoñ meñ
vo zaḳhm jo tum ne dekhe haiñ jo zaḳhm ki ham ne khaa.e haiñ
vo sub.h ke darvāze se abhī is shahr meñ din ke aayā hai
phir shaam ke rūThe shahzāde ko log manā kar laa.e haiñ
kuchh dā.ere dil meñ lahroñ ke uThte haiñ 'nafīs' āḳhir kyūñkar
is jhiil ke Thahre paanī meñ patthar ye kidhar se aa.e haiñ
خوش رنگ پرندے آئے ہیں موسم پر گلوں کے سائے ہیں
لو رقص کو ہم بھی پاؤں میں زنجیر پہن کر آئے ہیں
ہر سمت فضا میں ہلچل ہے اک شور بپا ہے گلشن میں
کچھ لوگ قفس سے چھوٹے ہیں کچھ توڑ کے زنداں آئے ہیں
تاریکی پھر تاریکی ہے سنتے سنتے مٹ پائے گی
کچھ دیپ فصیل شب پہ مگر یاروں نے آج جلائے ہیں
اس دور جہاں میں ہم عصرو ہے فرق بہت ان دونوں میں
وہ زخم جو تم نے دیکھے ہیں جو زخم کہ ہم نے کھائے ہیں
وہ صبح کے دروازے سے ابھی اس شہر میں دن کے آیا ہے
پھر شام کے روٹھے شہزادے کو لوگ منا کر لائے ہیں
کچھ دائرے دل میں لہروں کے اٹھتے ہیں نفیسؔ آخر کیونکر
اس جھیل کے ٹھہرے پانی میں پتھر یہ کدھر سے آئے ہیں