सुकूत-ए-लब को मिरे अर्ज़-ए-हाल ही समझो
मिरी अना-ए-ख़फ़ी को सवाल ही समझो
वो रू-ब-रू हैं मिरे दिल मगर ये कहता है
ख़याल-ए-हुस्न को हुस्न-ए-ख़याल ही समझो
रफ़ाक़तों के क़रीने बदलते रहते हैं
सो कर्ब-ए-हिज्र को लुत्फ़-ए-विसाल ही समझो
तड़प रहे हैं जो यूँ हम सदा-ए-साज़ के साथ
उसे कुछ और नहीं वज्द-ओ-हाल ही समझो
मिरे हुनर को रहा बज़्म-ए-कम-नज़र से गुरेज़
उसे भी मेरे हुनर का कमाल ही समझो
हवा-ए-सुब्ह-ए-चमन और एक बार अगर
गुज़र गई तो हमें पाएमाल ही समझो
दिलों के ज़ख़्म छुपे हैं लहू की चादर में
तुम्हें ग़रज़ नहीं तुम इंदिमाल ही समझो
हुसूल-ए-कैफ़ को मय-ख़ाना-ए-हयात में 'लैस'
शिकस्त-ए-जाम से पहले मुहाल ही समझो
sukūt-e-lab ko mire arz-e-hāl hī samjho
mirī anā-e-ḳhafī ko savāl hī samjho
vo rū-ba-rū haiñ mire dil magar ye kahtā hai
ḳhayāl-e-husn ko husn-e-ḳhayāl hī samjho
rafāqatoñ ke qarīne badalte rahte haiñ
so karb-e-hijr ko lutf-e-visāl hī samjho
taḌap rahe haiñ jo yuuñ ham sadā-e-sāz ke saath
use kuchh aur nahīñ vajd-o-hāl hī samjho
mire hunar ko rahā bazm-e-kam-nazar se gurez
use bhī mere hunar kā kamāl hī samjho
havā-e-sub.h-e-chaman aur ek baar agar
guzar ga.ī to hameñ pā.emāl hī samjho
diloñ ke zaḳhm chhupe haiñ lahū kī chādar meñ
tumheñ ġharaz nahīñ tum indimāl hī samjho
husūl-e-kaif ko mai-ḳhāna-e-hayāt meñ 'lais'
shikast-e-jām se pahle muhāl hī samjho
سکوت لب کو مرے عرض حال ہی سمجھو
مری انائے خفی کو سوال ہی سمجھو
وہ روبرو ہیں مرے دل مگر یہ کہتا ہے
خیال حسن کو حسن خیال ہی سمجھو
رفاقتوں کے قرینے بدلتے رہتے ہیں
سو کرب ہجر کو لطف وصال ہی سمجھو
تڑپ رہے ہیں جو یوں ہم صدائے ساز کے ساتھ
اسے کچھ اور نہیں وجد و حال ہی سمجھو
مرے ہنر کو رہا بزم کم نظر سے گریز
اسے بھی میرے ہنر کا کمال ہی سمجھو
ہوائے صبح چمن اور ایک بار اگر
گزر گئی تو ہمیں پائمال ہی سمجھو
دلوں کے زخم چھپے ہیں لہو کی چادر میں
تمہیں غرض نہیں تم اندمال ہی سمجھو
حصول کیف کو میخانۂ حیات میں لیثؔ
شکست جام سے پہلے محال ہی سمجھو