सुब्ह को आए हो निकले शाम के
जाओ भी अब तुम मिरे किस काम के
हाथा-पाई से यही मतलब भी था
कोई मुँह चूमे कलाई थाम के
तुम अगर चाहो तो कुछ मुश्किल नहीं
ढंग सौ हैं नामा-ओ-पैग़ाम के
छेड़ वाइ'ज़ हर घड़ी अच्छी नहीं
रिंद भी हैं एक अपने नाम के
क़हर ढाएगी असीरों की तड़प
और भी उलझेंगे हल्क़े दाम के
मोहतसिब चुन लेने दे इक इक मुझे
दिल के टुकड़े हैं ये टुकड़े जाम के
लाखों धड़के इब्तिदा-ए-इश्क़ में
ध्यान हैं आग़ाज़ में अंजाम के
मय का फ़तवा तो सही क़ाज़ी से लूँ
टोक कर रस्ते में दामन थाम के
दूर दौर-ए-मोहतसिब है आज-कल
अब कहाँ वो दौर-दौरे जाम के
नाम जब उस का ज़बाँ पर आ गया
रह गया नासेह कलेजा थाम के
दूर से नाले मिरे सुन कर कहा
आ गए दुश्मन मिरे आराम के
हाए वो अब प्यार की बातें कहाँ
अब तो लाले हैं मुझे दुश्नाम के
वो लगाएँ क़हक़हे सुन कर 'हफ़ीज़'
आप नाले कीजिए दिल थाम के
sub.h ko aa.e ho nikle shaam ke
jaao bhī ab tum mire kis kaam ke
hāthā-pā.ī se yahī matlab bhī thā
koī muñh chūme kalā.ī thaam ke
tum agar chāho to kuchh mushkil nahīñ
Dhang sau haiñ nāma-o-paiġhām ke
chheḌ vā'iz har ghaḌī achchhī nahīñ
rind bhī haiñ ek apne naam ke
qahr Dhā.egī asīroñ kī taḌap
aur bhī uljheñge halqe daam ke
mohtasib chun lene de ik ik mujhe
dil ke TukḌe haiñ ye TukḌe jaam ke
lākhoñ dhaḌke ibtidā-e-ishq meñ
dhyān haiñ āġhāz meñ anjām ke
mai kā fatvā to sahī qaazī se luuñ
Tok kar raste meñ dāman thaam ke
duur daur-e-mohtasib hai āj-kal
ab kahāñ vo daur-daure jaam ke
naam jab us kā zabāñ par aa gayā
rah gayā nāseh kalejā thaam ke
duur se naale mire sun kar kahā
aa ga.e dushman mire ārām ke
haa.e vo ab pyaar kī bāteñ kahāñ
ab to laale haiñ mujhe dushnām ke
vo lagā.eñ qahqahe sun kar 'hafīz'
aap naale kījiye dil thaam ke
صبح کو آئے ہو نکلے شام کے
جاؤ بھی اب تم مرے کس کام کے
ہاتھا پائی سے یہی مطلب بھی تھا
کوئی منہ چومے کلائی تھام کے
تم اگر چاہو تو کچھ مشکل نہیں
ڈھنگ سو ہیں نامہ و پیغام کے
چھیڑ واعظ ہر گھڑی اچھی نہیں
رند بھی ہیں ایک اپنے نام کے
قہر ڈھائے گی اسیروں کی تڑپ
اور بھی الجھیں گے حلقے دام کے
محتسب چن لینے دے اک اک مجھے
دل کے ٹکڑے ہیں یہ ٹکڑے جام کے
لاکھوں دھڑکے ابتدائے عشق میں
دھیان ہیں آغاز میں انجام کے
مے کا فتویٰ تو سہی قاضی سے لوں
ٹوک کر رستے میں دامن تھام کے
دور دور محتسب ہے آج کل
اب کہاں وہ دور دورے جام کے
نام جب اس کا زباں پر آ گیا
رہ گیا ناصح کلیجا تھام کے
دور سے نالے مرے سن کر کہا
آ گئے دشمن مرے آرام کے
ہائے وہ اب پیار کی باتیں کہاں
اب تو لالے ہیں مجھے دشنام کے
وہ لگائیں قہقہے سن کر حفیظؔ
آپ نالے کیجئے دل تھام کے