सोज़-ए-ग़म से जिगर जल रहा है मगर मिरा दर्द-ए-निहाँ आश्कारा नहीं
घुट के मरना गवारा है ऐ चारा-गर राज़-ए-उल्फ़त अयाँ हो गवारा नहीं
शम्अ' जलती रही रात ढलती रही नब्ज़-ए-बीमार रुक रुक के चलती रही
आ के दम भर के मेहमाँ को अब देख लो इस के बचने का कोई सहारा नहीं
बच के तूफ़ाँ की ज़द से कहाँ जाएगा अब कहाँ तक तलातुम से टकराएगा
इस सफ़ीने को अब डूब जाने भी दो जिस की क़िस्मत में कोई किनारा नहीं
है चमन तो वही वो नशेमन कहाँ चंद तिनकों की ख़ातिर चलें आँधियाँ
अब वो झोंके नहीं अब वो तूफ़ान नहीं अब वो शो'ले नहीं वो शरारा नहीं
ख़ार-ओ-गुल में है बाहम ये पैकार क्या ये जफ़ा-ओ-वफ़ा में है तकरार क्या
दिल की बाज़ी में है जीत क्या हार क्या हुस्न जीता नहीं इश्क़ हारा नहीं
जिस से बज़्म-ए-वफ़ा में चराग़ाँ न हो दिल की वीरान बस्ती गुलिस्ताँ न हो
ये तबस्सुम तो कोई तबस्सुम नहीं ये इशारा तो कोई इशारा नहीं
दिल से बिगड़ी ख़िरद से ख़फ़ा हो गया दीन-ओ-दुनिया से ना-आश्ना हो गया
बैठे बैठे 'वफ़ा' को ये क्या हो गया अब तुम्हारा करम भी गवारा नहीं
soz-e-ġham se jigar jal rahā hai magar mirā dard-e-nihāñ āshkārā nahīñ
ghuT ke marnā gavārā hai ai chāra-gar rāz-e-ulfat ayaañ ho gavārā nahīñ
sham.a jaltī rahī raat Dhaltī rahī nabz-e-bīmār ruk ruk ke chaltī rahī
aa ke dam bhar ke mehmāñ ko ab dekh lo is ke bachne kā koī sahārā nahīñ
bach ke tūfāñ kī zad se kahāñ jā.egā ab kahāñ tak talātum se Takrā.egā
is safīne ko ab Duub jaane bhī do jis kī qismat meñ koī kinārā nahīñ
hai chaman to vahī vo nasheman kahāñ chand tinkoñ kī ḳhātir chaleñ āñdhiyāñ
ab vo jhoñke nahīñ ab vo tūfān nahīñ ab vo sho.ale nahīñ vo sharārā nahīñ
ḳhār-o-gul meñ hai bāham ye paikār kyā ye jafā-o-vafā meñ hai takrār kyā
dil kī baazī meñ hai jiit kyā haar kyā husn jiitā nahīñ ishq haarā nahīñ
jis se bazm-e-vafā meñ charāġhāñ na ho dil kī vīrān bastī gulistāñ na ho
ye tabassum to koī tabassum nahīñ ye ishārā to koī ishārā nahīñ
dil se bigḌī ḳhirad se ḳhafā ho gayā dīn-o-duniyā se nā-āshnā ho gayā
baiThe baiThe 'vafā' ko ye kyā ho gayā ab tumhārā karam bhī gavārā nahīñ
سوز غم سے جگر جل رہا ہے مگر مرا درد نہاں آشکارا نہیں
گھٹ کے مرنا گوارا ہے اے چارہ گر راز الفت عیاں ہو گوارا نہیں
شمع جلتی رہی رات ڈھلتی رہی نبض بیمار رک رک کے چلتی رہی
آ کے دم بھر کے مہماں کو اب دیکھ لو اس کے بچنے کا کوئی سہارا نہیں
بچ کے طوفاں کی زد سے کہاں جائے گا اب کہاں تک تلاطم سے ٹکرائے گا
اس سفینہ کو اب ڈوب جانے بھی دو جس کی قسمت میں کوئی کنارا نہیں
ہے چمن تو وہی وہ نشیمن کہاں چند تنکوں کی خاطر چلیں آندھیاں
اب وہ جھونکے نہیں اب وہ طوفان نہیں اب وہ شعلے نہیں وہ شرارا نہیں
خار و گل میں ہے باہم یہ پیکار کیا یہ جفا و وفا میں ہے تکرار کیا
دل کی بازی میں ہے جیت کیا ہار کیا حسن جیتا نہیں عشق ہارا نہیں
جس سے بزم وفا میں چراغاں نہ ہو دل کی ویران بستی گلستاں نہ ہو
یہ تبسم تو کوئی تبسم نہیں یہ اشارا تو کوئی اشارا نہیں
دل سے بگڑی خرد سے خفا ہو گیا دین و دنیا سے نا آشنا ہو گیا
بیٹھے بیٹھے وفاؔ کو یہ کیا ہو گیا اب تمہارا کرم بھی گوارا نہیں