सितारे समेटो सहर हो रही है
रिदा-ए-तमन्ना भी तर हो रही है
जिन्हें ज़िंदगी ने बहुत कुछ दिया है
उन्ही पर तुम्हारी नज़र हो रही है
तिरे रू-ब-रू पेश होने की ख़ातिर
मिरी ज़ात ज़ेर-ओ-ज़बर हो रही है
सँभालो कमर को कि ज़ोर-ए-हवा से
इधर हो रही है उधर हो रही है
करूँ कैसे तर्क-ए-फ़रेब-ए-तमन्ना
इसी पर तो अपनी गुज़र हो रही है
हमारे सवालों पे ऐ बे-मुरव्वत
अगर हो रही है मगर हो रही है
तुम्हारी म’इय्यत में ऐ हासिल-ए-कुल
मिरी ज़िंदगी बे-समर हो रही है
मुझे यूँ लगा जैसे तुम ने कहा हो
हमारे बिना क्या बसर हो रही है
sitāre sameTo sahar ho rahī hai
ridā-e-tamanna bhī tar ho rahī hai
jinheñ zindagī ne bahut kuchh diyā hai
unhī par tumhārī nazar ho rahī hai
tire rū-barū pesh hone kī ḳhātir
mirī zaat zer-o-zabar ho rahī hai
sañbhālo kamar ko ki zor-e-havā se
idhar ho rahī hai udhar ho rahī hai
karūñ kaise tark-e-fareb-e-tamanna
isī par to apnī guzar ho rahī hai
hamāre savāloñ pe ai be-muravvat
agar ho rahī hai magar ho rahī hai
tumhārī ma’iyyat meñ ai hāsil-e-kul
mirī zindagī be-samar ho rahī hai
mujhe yuuñ lagā jaise tum ne kahā ho
hamāre binā kyā basar ho rahī hai
ستارے سمیٹو سحر ہو رہی ہے
ردائے تمنا بھی تر ہو رہی ہے
جنہیں زندگی نے بہت کچھ دیا ہے
انہی پر تمہاری نظر ہو رہی ہے
ترے روبرو پیش ہونے کی خاطر
مری ذات زیر و زبر ہو رہی ہے
سنبھالو کمر کو کہ زور ہوا سے
ادھر ہو رہی ہے ادھر ہو رہی ہے
کروں کیسے ترک فریب تمنا
اسی پر تو اپنی گزر ہو رہی ہے
ہمارے سوالوں پہ اے بے مروت
اگر ہو رہی ہے مگر ہو رہی ہے
تمہاری معیت میں اے حاصل کل
مری زندگی بے ثمر ہو رہی ہے
مجھے یوں لگا جیسے تم نے کہا ہو
ہمارے بنا کیا بسر ہو رہی ہے