शो'ला-ए-दर्द ब-उन्वान-ए-तजल्ला ही सही
लुत्फ़-ए-दीवानगी-ओ-ज़ौक़-ए-तमाशा ही सही
दिल नहीं लज़्ज़त-ए-दीदार से सरशार अगर
वहशत-ए-जाँ ही सही हसरत-ए-जल्वा ही सही
ये भी क्या कम है कि उम्मीद-ए-करम में गुज़रे
रस्म-ओ-आईन-ए-वफ़ा दहर में अन्क़ा ही सही
कुछ तो है जिस से है क़िंदील-ए-ग़ज़ल ताबिंदा
फ़िक्र-ए-इमरोज़-ओ-परेशानी-ए-फ़र्दा ही सही
हिज्र में खुलते हैं असरार-ए-मोहब्बत क्या क्या
ग़म में ये मो'जिज़ा-ए-हुस्न-ए-मसीहा ही सही
उन के दामन पे कोई दाग़ न आने पाए
मैं हर इक रंग हर इक हाल में रुस्वा ही सही
फिर भी है वज्ह-ए-क़रार-ए-दिल-ए-मुज़्तर 'हाफ़िज़'
वो अदू दीन का दुश्मन मिरी जाँ का ही सही
sho.ala-e-dard ba-unvān-e-tajallā hī sahī
lutf-e-dīvāngī-o-zauq-e-tamāshā hī sahī
dil nahīñ lazzat-e-dīdār se sarshār agar
vahshat-e-jāñ hī sahī hasrat-e-jalva hī sahī
ye bhī kyā kam hai ki ummīd-e-karam meñ guzre
rasm-o-ā.īn-e-vafā dahr meñ anqā hī sahī
kuchh to hai jis se hai qindīl-e-ġhazal tābinda
fikr-e-imroz-o-pareshānī-e-fardā hī sahī
hijr meñ khulte haiñ asrār-e-mohabbat kyā kyā
ġham meñ ye mo.ajiza-e-husn-e-masīhā hī sahī
un ke dāman pe koī daaġh na aane paa.e
maiñ har ik rañg har ik haal meñ rusvā hī sahī
phir bhī hai vaj.h-e-qarār-e-dil-e-muztar 'hāfiz'
vo adū diin kā dushman mirī jaañ kā hī sahī
شعلۂ درد بعنوان تجلا ہی سہی
لطف دیوانگی و ذوق تماشا ہی سہی
دل نہیں لذت دیدار سے سرشار اگر
وحشت جاں ہی سہی حسرت جلوہ ہی سہی
یہ بھی کیا کم ہے کہ امید کرم میں گزرے
رسم و آئین وفا دہر میں عنقا ہی سہی
کچھ تو ہے جس سے ہے قندیل غزل تابندہ
فکر امروز و پریشانیٔ فردا ہی سہی
ہجر میں کھلتے ہیں اسرار محبت کیا کیا
غم میں یہ معجزہ حسن مسیحا ہی سہی
ان کے دامن پہ کوئی داغ نہ آنے پائے
میں ہر اک رنگ ہر اک حال میں رسوا ہی سہی
پھر بھی ہے وجہ قرار دل مضطر حافظؔ
وہ عدو دین کا دشمن مری جاں کا ہی سہی