शब-ए-विसाल ये कहते हैं वो सुना के मुझे
किसी ने लूट लिया अपने घर बुला के मुझे
पुकारता नहीं कोई लहद पर आ के मुझे
मिरे नसीब भी क्या सो रहे सुला के मुझे
वो बोले वस्ल के शब आप में न पा के मुझे
चले गए हैं कहाँ अपने घर बुला के मुझे
गिरा दिया है कुछ इस तरह उस ने आँखों से
कि देखता नहीं कोई नज़र उठा के मुझे
परी थी कोई छलावा थी या जवानी थी
कहाँ ये हो गई चम्पत झलक दिखा के मुझे
तुम्हारी बज़्म में आए तो जाम-ए-मय मुझ तक
बला से दे दे कोई ज़हर ही मिला के मुझे
उठा जो बज़्म से उन की तो रोक कर ये कहा
कि ले चले हो कहाँ दिल में तुम छुपा के मुझे
ये तेरे हिज्र का ग़म था वो तेरे इश्क़ का दाग़
गया जो खा के मुझे जो मिटा मिटा के मुझे
जहाँ पे जाते हुए मेरे होश उड़ते हैं
तिरा ख़याल वहाँ ले चला लगा के मुझे
मुझे है ग़श उन्हें हैरत अजीब आलम है
मैं खो गया हूँ उन्हें देख कर वो पा के मुझे
मिरी निगाह में फिरती है मेरी मौत की शक्ल
जब आप देखते हैं तेवरियाँ चढ़ा के मुझे
न देखो आईना देखो मिरा कहा मानो
दिखाओ ग़ैर को सूरत न मुँह दिखा के मुझे
तड़प ले दिल की ये कह कह के कोई आता है
बिठा दिया है लहद में उठा उठा के मुझे
गले लगा दे करूँ प्यार तेरी तेग़ को मैं
कि याद आए करिश्मे तिरी अदा के मुझे
ये मेरे रोने पे हँसती है क्यूँ मिरी तक़दीर
वो अपने दिल में तो कुढ़ते नहीं रुला के मुझे
जो मिट्टी दी है तो अब फ़ातिहा भी पढ़ते जाओ
कुछ अब सवाब भी लो ख़ाक में मिला के मुझे
'हफ़ीज़' हश्र में कर ही चुका था मैं फ़रियाद
कि उस ने डाँट दिया सामने से आ के मुझे
shab-e-visāl ye kahte haiñ vo sunā ke mujhe
kisī ne luuT liyā apne ghar bulā ke mujhe
pukārtā nahīñ koī lahad par aa ke mujhe
mire nasīb bhī kyā so rahe sulā ke mujhe
vo bole vasl ke shab aap meñ na pā ke mujhe
chale ga.e haiñ kahāñ apne ghar bulā ke mujhe
girā diyā hai kuchh is tarah us ne āñkhoñ se
ki dekhtā nahīñ koī nazar uThā ke mujhe
parī thī koī chhalāvā thī yā javānī thī
kahāñ ye ho ga.ī champat jhalak dikhā ke mujhe
tumhārī bazm meñ aa.e to jām-e-mai mujh tak
balā se de de koī zahr hī milā ke mujhe
uThā jo bazm se un kī to rok kar ye kahā
ki le chale ho kahāñ dil meñ tum chhupā ke mujhe
ye tere hijr kā ġham thā vo tere ishq kā daaġh
gayā jo khā ke mujhe jo miTā miTā ke mujhe
jahāñ pe jaate hue mere hosh uḌte haiñ
tirā ḳhayāl vahāñ le chalā lagā ke mujhe
mujhe hai ġhash unheñ hairat ajiib aalam hai
maiñ kho gayā huuñ unheñ dekh kar vo pā ke mujhe
mirī nigāh meñ phirtī hai merī maut kī shakl
jab aap dekhte haiñ tevriyāñ chaḌhā ke mujhe
na dekho ā.īna dekho mirā kahā maano
dikhāo ġhair ko sūrat na muñh dikhā ke mujhe
taḌap le dil kī ye kah kah ke koī aatā hai
biThā diyā hai lahad meñ uThā uThā ke mujhe
gale lagā de karūñ pyaar terī teġh ko maiñ
ki yaad aa.e karishme tirī adā ke mujhe
ye mere rone pe hañstī hai kyuuñ mirī taqdīr
vo apne dil meñ to kuḌhte nahīñ rulā ke mujhe
jo miTTī dī hai to ab fātiha bhī paḌhte jaao
kuchh ab savāb bhī lo ḳhaak meñ milā ke mujhe
'hafīz' hashr meñ kar hī chukā thā maiñ fariyād
ki us ne DaañT diyā sāmne se aa ke mujhe
شب وصال یہ کہتے ہیں وہ سنا کے مجھے
کسی نے لوٹ لیا اپنے گھر بلا کے مجھے
پکارتا نہیں کوئی لحد پر آ کے مجھے
مرے نصیب بھی کیا سو رہے سلا کے مجھے
وہ بولے وصل کے شب آپ میں نہ پا کے مجھے
چلے گئے ہیں کہاں اپنے گھر بلا کے مجھے
گرا دیا ہے کچھ اس طرح اس نے آنکھوں سے
کہ دیکھتا نہیں کوئی نظر اٹھا کے مجھے
پری تھی کوئی چھلاوا تھی یا جوانی تھی
کہاں یہ ہو گئی چمپت جھلک دکھا کے مجھے
تمہاری بزم میں آئے تو جام مے مجھ تک
بلا سے دے دے کوئی زہر ہی ملا کے مجھے
اٹھا جو بزم سے ان کی تو روک کر یہ کہا
کہ لے چلے ہو کہاں دل میں تم چھپا کے مجھے
یہ تیرے ہجر کا غم تھا وہ تیرے عشق کا داغ
گیا جو کھا کے مجھے جو مٹا مٹا کے مجھے
جہاں پہ جاتے ہوئے میرے ہوش اڑتے ہیں
ترا خیال وہاں لے چلا لگا کے مجھے
مجھے ہے غش انہیں حیرت عجیب عالم ہے
میں کھو گیا ہوں انہیں دیکھ کر وہ پا کے مجھے
مری نگاہ میں پھرتی ہے میری موت کی شکل
جب آپ دیکھتے ہیں تیوریاں چڑھا کے مجھے
نہ دیکھو آئینہ دیکھو مرا کہا مانو
دکھاؤ غیر کو صورت نہ منہ دکھا کے مجھے
تڑپ لے دل کی یہ کہہ کہہ کے کوئی آتا ہے
بٹھا دیا ہے لحد میں اٹھا اٹھا کے مجھے
گلے لگا دے کروں پیار تیری تیغ کو میں
کہ یاد آئے کرشمے تری ادا کے مجھے
یہ میرے رونے پہ ہنستی ہے کیوں مری تقدیر
وہ اپنے دل میں تو کڑھتے نہیں رلا کے مجھے
جو مٹی دی ہے تو اب فاتحہ بھی پڑھتے جاؤ
کچھ اب ثواب بھی لو خاک میں ملا کے مجھے
حفیظؔ حشر میں کر ہی چکا تھا میں فریاد
کہ اس نے ڈانٹ دیا سامنے سے آ کے مجھے