शब-ए-वस्ल है बहस हुज्जत अबस
ये शिकवे अबस ये शिकायत अबस
हुआ उन को कब ए'तिमाद-ए-वफ़ा
जताते रहे हम मोहब्बत अबस
यहाँ अब तो कुछ और सामान है
वो आते हैं बहर-अयादत अबस
नसीबों से अपने है शिकवा हमें
करें क्यूँ किसी की शिकायत अबस
मिरा हाल सुन कर वो हैं बे-क़रार
किया किस ने ज़िक्र-ए-मोहब्बत अबस
फ़लक मर-मिटों से न रख ये ग़ुबार
मिटा बे-कसों की न तुर्बत अबस
सुनूँगा तिरी होश में आ तो लूँ
अभी से है नासेह नसीहत अबस
ये पर्दा हसीनों को लाज़िम न था
छुपाती हैं ये अच्छी सूरत अबस
वो पहले सुलूक आप के याद हैं
मिरे हाल पर अब इनायत अबस
तकल्लुफ़ में फिर वो कहाँ सादगी
ये आराइश-ए-हुस्न-ओ-ज़ीनत अबस
'हफ़ीज़' इस ज़मीं में कहो शेर कम
दिखाओ न ज़ोर-ए-तबीअत अबस
shab-e-vasl hai bahs hujjat abas
ye shikve abas ye shikāyat abas
huā un ko kab e'timād-e-vafā
jatāte rahe ham mohabbat abas
yahāñ ab to kuchh aur sāmān hai
vo aate haiñ bahr-ayādat abas
nasīboñ se apne hai shikva hameñ
kareñ kyuuñ kisī kī shikāyat abas
mirā haal sun kar vo haiñ be-qarār
kiyā kis ne zikr-e-mohabbat abas
falak mar-miToñ se na rakh ye ġhubār
miTā be-kasoñ kī na turbat abas
sunūñgā tirī hosh meñ aa to luuñ
abhī se hai nāseh nasīhat abas
ye parda hasīnoñ ko lāzim na thā
chhupātī haiñ ye achchhī sūrat abas
vo pahle sulūk aap ke yaad haiñ
mire haal par ab ināyat abas
takalluf meñ phir vo kahāñ sādgī
ye ārā.ish-e-husn-o-zīnat abas
'hafīz' is zamīñ meñ kaho sher kam
dikhāo na zor-e-tabī.at abas
شب وصل ہے بحث حجت عبث
یہ شکوے عبث یہ شکایت عبث
ہوا ان کو کب اعتماد وفا
جتاتے رہے ہم محبت عبث
یہاں اب تو کچھ اور سامان ہے
وہ آتے ہیں بہر عیادت عبث
نصیبوں سے اپنے ہے شکوہ ہمیں
کریں کیوں کسی کی شکایت عبث
مرا حال سن کر وہ ہیں بے قرار
کیا کس نے ذکر محبت عبث
فلک مر مٹوں سے نہ رکھ یہ غبار
مٹا بے کسوں کی نہ تربت عبث
سنوں گا تری ہوش میں آ تو لوں
ابھی سے ہے ناصح نصیحت عبث
یہ پردہ حسینوں کو لازم نہ تھا
چھپاتی ہیں یہ اچھی صورت عبث
وہ پہلے سلوک آپ کے یاد ہیں
مرے حال پر اب عنایت عبث
تکلف میں پھر وہ کہاں سادگی
یہ آرائش حسن و زینت عبث
حفیظؔ اس زمیں میں کہو شعر کم
دکھاؤ نہ زور طبیعت عبث