शाम के गेसू फैले हुए थे महके महके साए थे
हम सदियों के जागे हुए थे ख़्वाब में चल कर आए थे
शाम के पिछले ज़मीनों से जब सूरज उतरा घाटी में
तन्हाई के बढ़ते साए ज़हर का प्याला लाए थे
टूटे हुए ख़्वाबों की किर्चें आँखों में चुभती ही रहीं
हाथ हवा के पोंछते यूँ तो मेरे आँसू आए थे
ग़म की खेती सूख रही थी दिल की धरती बंजर थी
छागल छागल आँसू ले कर तर करने वो आए थे
बैठे हुए कुछ सोच रहे थे गाँव के पीपल के नीचे
बुझता हुआ सूरज था हम थे ढलती शाम के साए थे
बारिश की इक बूँद को तरसा सहरा दिल का अब के 'नफ़ीस'
कहने को तो प्यार के बादल चारों तरफ़ ही छाए थे
shaam ke gesū phaile hue the mahke mahke saa.e the
ham sadiyoñ ke jaage hue the ḳhvāb meñ chal kar aa.e the
shaam ke pichhle zamīnoñ se jab sūraj utrā ghāTī meñ
tanhā.ī ke baḌhte saa.e zahr kā pyāla laa.e the
TuuTe hue ḳhvāboñ kī kircheñ āñkhoñ meñ chubhtī hī rahīñ
haath havā ke poñchhte yuuñ to mere aañsū aa.e the
ġham kī khetī suukh rahī thī dil kī dhartī banjar thī
chhāgal chhāgal aañsū le kar tar karne vo aa.e the
baiThe hue kuchh soch rahe the gaañv ke pīpal ke nīche
bujhtā huā sūraj thā ham the Dhaltī shaam ke saa.e the
bārish kī ik buuñd ko tarsā sahrā dil kā ab ke 'nafīs'
kahne ko to pyaar ke bādal chāroñ taraf hī chhā.e the
شام کے گیسو پھیلے ہوئے تھے مہکے مہکے سائے تھے
ہم صدیوں کے جاگے ہوئے تھے خواب میں چل کر آئے تھے
شام کے پچھلے زمینوں سے جب سورج اترا گھاٹی میں
تنہائی کے بڑھتے سائے زہر کا پیالہ لائے تھے
ٹوٹے ہوئے خوابوں کی کرچیں آنکھوں میں چبھتی ہی رہیں
ہاتھ ہوا کے پونچھتے یوں تو میرے آنسو آئے تھے
غم کی کھیتی سوکھ رہی تھی دل کی دھرتی بنجر تھی
چھاگل چھاگل آنسو لے کر تر کرنے وہ آئے تھے
بیٹھے ہوئے کچھ سوچ رہے تھے گاؤں کے پیپل کے نیچے
بجھتا ہوا سورج تھا ہم تھے ڈھلتی شام کے سائے تھے
بارش کی اک بوند کو ترسا صحرا دل کا اب کے نفیسؔ
کہنے کو تو پیار کے بادل چاروں طرف ہی چھائے تھے