शाम अजीब शाम थी जिस में कोई उफ़क़ न था
फूल भी कैसे फूल थे जिन को सुख़न का हक़ न था
यार अजीब यार था जिस के हज़ार नाम थे
शहर अजीब शहर था जिस में कोई तबक़ न था
हाथ में सब के जिल्द थी जिस के अजीब रंग थे
जिस पे अजीब नाम थे और कोई वरक़ न था
जैसे अदम से आए हों लोग अजीब तरह के
जिन का लहू सफ़ेद था जिन का कलेजा शक़ न था
जिन के अजीब तौर थे जिन में कोई किरन न थी
जिन के अजीब दर्स थे जिन में कोई सबक़ न था
लोग कटे हुए इधर लोग पड़े हुए उधर
जिन को कोई अलम न था जिन को कोई क़लक़ न था
जिन का जिगर सिया हुआ जिन का लहू बुझा हुआ
जिन का रफ़ू किया हुआ चेहरा बहुत अदक़ न था
कैसा तिलिस्मी शहर था जिस के तुफ़ैल रात भी
मेरे लहू में गर्द थी आईना-ए-शफ़क़ न था
shaam ajiib shaam thī jis meñ koī ufaq na thā
phuul bhī kaise phuul the jin ko suḳhan kā haq na thā
yaar ajiib yaar thā jis ke hazār naam the
shahr ajiib shahr thā jis meñ koī tabaq na thā
haath meñ sab ke jild thī jis ke ajiib rañg the
jis pe ajiib naam the aur koī varaq na thā
jaise adam se aa.e hoñ log ajiib tarah ke
jin kā lahū safed thā jin kā kaleja shaq na thā
jin ke ajiib taur the jin meñ koī kiran na thī
jin ke ajiib dars the jin meñ koī sabaq na thā
log kaTe hue idhar log paḌe hue udhar
jin ko koī alam na thā jin ko koī qalaq na thā
jin kā jigar siyā huā jin kā lahū bujhā huā
jin kā rafū kiyā huā chehra bahut adaq na thā
kaisā tilismī shahr thā jis ke tufail raat bhī
mere lahū meñ gard thī ā.īna-e-shafaq na thā
شام عجیب شام تھی جس میں کوئی افق نہ تھا
پھول بھی کیسے پھول تھے جن کو سخن کا حق نہ تھا
یار عجیب یار تھا جس کے ہزار نام تھے
شہر عجیب شہر تھا جس میں کوئی طبق نہ تھا
ہاتھ میں سب کے جلد تھی جس کے عجیب رنگ تھے
جس پہ عجیب نام تھے اور کوئی ورق نہ تھا
جیسے عدم سے آئے ہوں لوگ عجیب طرح کے
جن کا لہو سفید تھا جن کا کلیجہ شق نہ تھا
جن کے عجیب طور تھے جن میں کوئی کرن نہ تھی
جن کے عجیب درس تھے جن میں کوئی سبق نہ تھا
لوگ کٹے ہوئے ادھر لوگ پڑے ہوئے ادھر
جن کو کوئی الم نہ تھا جن کو کوئی قلق نہ تھا
جن کا جگر سیا ہوا جن کا لہو بجھا ہوا
جن کا رفو کیا ہوا چہرہ بہت ادق نہ تھا
کیسا طلسمی شہر تھا جس کے طفیل رات بھی
میرے لہو میں گرد تھی آئینۂ شفق نہ تھا