आसमाँ पर इक सितारा शाम से बेताब है
मेरी आँखों में तुम्हारा ग़म नहीं है ख़्वाब है
रात दरिया आइने में इस तरह आया कि मैं
ये समझ कर सो गया दरिया नहीं इक ख़्वाब है
कामनी सूरत में भी इक आरज़ू है महव-ए-ख़्वाब
साँवली रंगत में भी इक वस्ल का कम-ख़्वाब है
मेरी ख़ातिर कुछ सुनहरी साँवली मिट्टी भी थी
वर्ना उस का जिस्म सारा रौशनी का ख़्वाब है
आसमाँ इक बिस्तर-ए-संजाब लगता है मुझे
और ये क़ौस-ए-क़ुज़ह जैसे कोई मेहराब है
किस के इस्तिक़बाल को उट्ठे थे दीवानों के हाथ
किस के मातम को यहाँ ये मजमा'-ए-अहबाब है
या इलाहाबाद में रहिए जहाँ संगम भी हो
या बनारस में जहाँ हर घाट पर सैलाब है
इस नहंग-ए-तिश्ना से ज़ोर-आज़मा हो कर 'जमील'
भूल मत जाना कि आगे भी वही गिर्दाब है
āsmāñ par ik sitāra shaam se betāb hai
merī āñkhoñ meñ tumhārā ġham nahīñ hai ḳhvāb hai
raat dariyā aa.ine meñ is tarah aayā ki maiñ
ye samajh kar so gayā dariyā nahīñ ik ḳhvāb hai
kāmanī sūrat meñ bhī ik aarzū hai mahv-e-ḳhvāb
sāñvlī rañgat meñ bhī ik vasl kā kam-ḳhvāb hai
merī ḳhātir kuchh sunahrī sāñvlī miTTī bhī thī
varna us kā jism saarā raushnī kā ḳhvāb hai
āsmāñ ik bistar-e-sanjāb lagtā hai mujhe
aur ye qaus-e-quzah jaise koī mehrāb hai
kis ke istiqbāl ko uTThe the dīvānoñ ke haath
kis ke mātam ko yahāñ ye majma'-e-ahbāb hai
yā ilāhābād meñ rahiye jahāñ sañgam bhī ho
yā banāras meñ jahāñ har ghaaT par sailāb hai
is nahañg-e-tishna se zor-āzmā ho kar 'jamīl'
bhuul mat jaanā ki aage bhī vahī girdāb hai
آسماں پر اک ستارہ شام سے بیتاب ہے
میری آنکھوں میں تمہارا غم نہیں ہے خواب ہے
رات دریا آئنے میں اس طرح آیا کہ میں
یہ سمجھ کر سو گیا دریا نہیں اک خواب ہے
کامنی صورت میں بھی اک آرزو ہے محو خواب
سانولی رنگت میں بھی اک وصل کا کمخواب ہے
میری خاطر کچھ سنہری سانولی مٹی بھی تھی
ورنہ اس کا جسم سارا روشنی کا خواب ہے
آسماں اک بستر سنجاب لگتا ہے مجھے
اور یہ قوس قزح جیسے کوئی محراب ہے
کس کے استقبال کو اٹھے تھے دیوانوں کے ہاتھ
کس کے ماتم کو یہاں یہ مجمع احباب ہے
یا الہ آباد میں رہیے جہاں سنگم بھی ہو
یا بنارس میں جہاں ہر گھاٹ پر سیلاب ہے
اس نہنگ تشنہ سے زور آزما ہو کر جمیلؔ
بھول مت جانا کہ آگے بھی وہی گرداب ہے