दस्त-ए-जुनूँ में दामन-ए-गुल को लाने की तदबीर करें
नर्म हवा के झोंको आओ मौसम को ज़ंजीर करें
मौसम-ए-अब्र-ओ-बाद से पोछें लज़्ज़त-ए-सोज़ाँ का मफ़्हूम
मौजा-ए-ख़ूँ से दामन-ए-गुल पर हर्फ़-ए-जुनूँ तहरीर करें
आमद-ए-गुल का वीरानी भी देख रही है क्या क्या ख़्वाब
वीरानी के ख़्वाब को आओ वहशत से ताबीर करें
रात के जागे सुब्ह की हल्की नर्म हवा में सोए हैं
देखें कब तक नींद के माते उठने में ताख़ीर करें
तन्हाई में काहिश-ए-जाँ के हाथों किस आराम से हैं
कैसे अपने नाज़ उठाएँ क्या अपनी तहक़ीर करें
बेताबी तो ख़ैर रहेगी बेताबी की बात नहीं
मरना इतना सहल नहीं है जीने की तदबीर करें
घूम रहे हैं दश्त-ए-जुनूँ में उन के क्या क्या रूप 'जमील'
किस को देखें किस को छोड़ें किस को जा के असीर करें
dast-e-junūñ meñ dāman-e-gul ko laane kī tadbīr kareñ
narm havā ke jhoñko aao mausam ko zanjīr kareñ
mausam-e-abr-o-bād se pochheñ lazzat-e-sozāñ kā mafhūm
mauja-e-ḳhūñ se dāman-e-gul par harf-e-junūñ tahrīr kareñ
āmad-e-gul kā vīrānī bhī dekh rahī hai kyā kyā ḳhvāb
vīrānī ke ḳhvāb ko aao vahshat se ta.abīr kareñ
raat ke jaage sub.h kī halkī narm havā meñ so.e haiñ
dekheñ kab tak niiñd ke maate uThne meñ tāḳhīr kareñ
tanhā.ī meñ kāhish-e-jāñ ke hāthoñ kis ārām se haiñ
kaise apne naaz uThā.eñ kyā apnī tahqīr kareñ
betābī to ḳhair rahegī betābī kī baat nahīñ
marnā itnā sahl nahīñ hai jiine kī tadbīr kareñ
ghuum rahe haiñ dasht-e-junūñ meñ un ke kyā kyā ruup 'jamīl'
kis ko dekheñ kis ko chhoḌeñ kis ko jā ke asiir kareñ
دست جنوں میں دامن گل کو لانے کی تدبیر کریں
نرم ہوا کے جھونکو آؤ موسم کو زنجیر کریں
موسم ابر و باد سے پوچھیں لذت سوزاں کا مفہوم
موجۂ خوں سے دامن گل پر حرف جنوں تحریر کریں
آمد گل کا ویرانی بھی دیکھ رہی ہے کیا کیا خواب
ویرانی کے خواب کو آؤ وحشت سے تعبیر کریں
رات کے جاگے صبح کی ہلکی نرم ہوا میں سوئے ہیں
دیکھیں کب تک نیند کے ماتے اٹھنے میں تاخیر کریں
تنہائی میں کاہش جاں کے ہاتھوں کس آرام سے ہیں
کیسے اپنے ناز اٹھائیں کیا اپنی تحقیر کریں
بیتابی تو خیر رہے گی بیتابی کی بات نہیں
مرنا اتنا سہل نہیں ہے جینے کی تدبیر کریں
گھوم رہے ہیں دشت جنوں میں ان کے کیا کیا روپ جمیلؔ
کس کو دیکھیں کس کو چھوڑیں کس کو جا کے اسیر کریں