सौ दाग़ तमन्नाओं के हम खाए हुए हैं
गुल जितने हैं इस बाग़ में मुरझाए हुए हैं
शर्मिंदा हूँ मैं अपनी दुआओं के असर से
वो आज परेशान हैं घबराए हुए हैं
ख़ुद्दारी-ए-गेसू का है उस रुख़ पे ये आलम
झुकना जो पड़ा उन को तो बल खाए हुए हैं
अब तुम भी ज़रा हुस्न-ए-जहाँ-सोज़ को रोको
हम तो दिल-ए-बे-ताब को समझाए हुए हैं
ऐ दस्त-ए-करम फेंक दे कौनैन को इस में
दामन को तिरे सामने फैलाए हुए हैं
फोड़ेंगे जबीं अब तिरे दर पर तिरे मुहताज
बर्बाद हैं तक़दीर के ठुकराए हुए हैं
आता है बढ़ा बहर-ए-करम जोश में 'कैफ़ी'
हम अपने गुनाहों पे जो शरमाए हुए हैं
sau daaġh tamannāoñ ke ham khaa.e hue haiñ
gul jitne haiñ is baaġh meñ murjhā.e hue haiñ
sharminda huuñ maiñ apnī duāoñ ke asar se
vo aaj pareshān haiñ ghabrā.e hue haiñ
ḳhuddārī-e-gesū kā hai us ruḳh pe ye aalam
jhuknā jo paḌā un ko to bal khaa.e hue haiñ
ab tum bhī zarā husn-e-jahāñ-soz ko roko
ham to dil-e-be-tāb ko samjhā.e hue haiñ
ai dast-e-karam pheñk de kaunain ko is meñ
dāman ko tire sāmne phailā.e hue haiñ
phoḌeñge jabīñ ab tire dar par tire muhtāj
barbād haiñ taqdīr ke Thukrā.e hue haiñ
aatā hai baḌhā bahr-e-karam josh meñ 'kaifī'
ham apne gunāhoñ pe jo sharmā.e hue haiñ
سو داغ تمناؤں کے ہم کھائے ہوئے ہیں
گل جتنے ہیں اس باغ میں مرجھائے ہوئے ہیں
شرمندہ ہوں میں اپنی دعاؤں کے اثر سے
وہ آج پریشان ہیں گھبرائے ہوئے ہیں
خودداریٔ گیسو کا ہے اس رخ پہ یہ عالم
جھکنا جو پڑا ان کو تو بل کھائے ہوئے ہیں
اب تم بھی ذرا حسن جہاں سوز کو روکو
ہم تو دل بے تاب کو سمجھائے ہوئے ہیں
اے دست کرم پھینک دے کونین کو اس میں
دامن کو ترے سامنے پھیلائے ہوئے ہیں
پھوڑیں گے جبیں اب ترے در پر ترے محتاج
برباد ہیں تقدیر کے ٹھکرائے ہوئے ہیں
آتا ہے بڑھا بحر کرم جوش میں کیفیؔ
ہم اپنے گناہوں پہ جو شرمائے ہوئے ہیں