सज्दा-ए-शैख़ पे लग़्ज़िश का गुमाँ होता है
मेरी मस्ती पे परस्तिश का गुमाँ होता है
हमनशीं तुझ से वो सदमात उठाए हैं कि अब
मेहरबानी पे भी साज़िश का गुमाँ होता है
वक़्त-ओ-माहौल का हालात का ख़म्याज़ा है
जिस पे साक़ी की नवाज़िश का गुमाँ होता है
पस-ए-चिलमन हैं तो चिलमन को उठा ही दीजे
इस तकल्लुफ़ पे नुमाइश का गुमाँ होता है
बात क्या है कि तिरे ख़त के हर इक जुमले पर
अपने अंदाज़-ए-निगारिश का गुमाँ होता है
उन के चेहरे की ज़िया है कि मिरे दिल की चमक
कुछ तो है जिस पे ये ताबिश का गुमाँ होता है
गर्दिश-ए-चश्म नहीं गर्दिश-ए-दौराँ है 'कमाल'
जिस पे पैमानों की गर्दिश का गुमाँ होता है
sajda-e-shaiḳh pe laġhzish kā gumāñ hotā hai
merī mastī pe parastish kā gumāñ hotā hai
ham-nashīñ tujh se vo sadmāt uThā.e haiñ ki ab
mehrbānī pe bhī sāzish kā gumāñ hotā hai
vaqt-o-māhaul kā hālāt kā ḳhamyāza hai
jis pe saaqī kī navāzish kā gumāñ hotā hai
pas-e-chilman haiñ to chilman ko uThā hī diije
is takalluf pe numā.ish kā gumāñ hotā hai
baat kyā hai ki tire ḳhat ke har ik jumle par
apne andāz-e-nigārish kā gumāñ hotā hai
un ke chehre kī ziyā hai ki mire dil kī chamak
kuchh to hai jis pe ye tābish kā gumāñ hotā hai
gardish-e-chashm nahīñ gardish-e-daurāñ hai 'kamāl'
jis pe paimānoñ kī gardish kā gumāñ hotā hai
سجدۂ شیخ پہ لغزش کا گماں ہوتا ہے
میری مستی پہ پرستش کا گماں ہوتا ہے
ہم نشیں تجھ سے وہ صدمات اٹھائے ہیں کہ اب
مہربانی پہ بھی سازش کا گماں ہوتا ہے
وقت و ماحول کا حالات کا خمیازہ ہے
جس پہ ساقی کی نوازش کا گماں ہوتا ہے
پس چلمن ہیں تو چلمن کو اٹھا ہی دیجے
اس تکلف پہ نمائش کا گماں ہوتا ہے
بات کیا ہے کہ ترے خط کے ہر اک جملے پر
اپنے انداز نگارش کا گماں ہوتا ہے
ان کے چہرے کی ضیا ہے کہ مرے دل کی چمک
کچھ تو ہے جس پہ یہ تابش کا گماں ہوتا ہے
گردش چشم نہیں گردش دوراں ہے کمالؔ
جس پہ پیمانوں کی گردش کا گماں ہوتا ہے