सहरा-नवर्दियों के 'एवज़ घर दिया गया
प्यासी नदी को ख़ारा समुंदर दिया गया
बस लम्स भर जहान दिखाया गया हमें
दुनिया का ज़ाइक़ा भी निगह-भर दिया गया
उस को ज़रा सा शक था मोहब्बत का और बस
इस ओर से यक़ीन बराबर दिया गया
हम काफ़िरों ने उस को ख़ुदा ही बना लिया
जो शख़्स भी बराए-पयम्बर दिया गया
जिन को मिली उमीद ख़ुदा वाले हो गए
मुनकिर हुए वो जिन को फ़क़त डर दिया गया
हम को सज़ा-ए-नक़्ल-ए-मकानी तो दी मगर
दीवार-ओ-दर को रख़्त-ए-सफ़र कर दिया गया
sahrā-navardiyoñ ke 'evaz ghar diyā gayā
pyāsī nadī ko ḳhārā samundar diyā gayā
bas lams bhar jahān dikhāyā gayā hameñ
duniyā kā zā.iqa bhī nigah-bhar diyā gayā
us ko zarā sā shak thā mohabbat kā aur bas
is or se yaqīn barābar diyā gayā
ham kāfiroñ ne us ko ḳhudā hī banā liyā
jo shaḳhs bhī barā.e-payambar diyā gayā
jin ko milī umiid ḳhudā vaale ho ga.e
munkir hue vo jin ko faqat Dar diyā gayā
ham ko sazā-e-naql-e-makānī to dī magar
dīvār-o-dar ko raḳht-e-safar kar diyā gayā
صحرا نوردیوں کے عوض گھر دیا گیا
پیاسی ندی کو خارا سمندر دیا گیا
بس لمس بھر جہان دکھایا گیا ہمیں
دنیا کا ذائقہ بھی نگہ بھر دیا گیا
اس کو ذرا سا شک تھا محبت کا اور بس
اس اور سے یقین برابر دیا گیا
ہم کافروں نے اس کو خدا ہی بنا لیا
جو شخص بھی برائے پیمبر دیا گیا
جن کو ملی امید خدا والے ہو گئے
منکر ہوئے وہ جن کو فقط ڈر دیا گیا
ہم کو سزائے نقل مکانی تو دی مگر
دیوار و در کو رخت سفر کر دیا گیا