सफ़र ही करना है लाज़िम तो मत थकान गिरा
ज़मीं लपेट मिरे सर पे आसमान गिरा
मिरे वुजूद के दीवार-ओ-दर हिला और फिर
मिरे ख़याल की हद पर कोई चटान गिरा
मैं शब-गज़ीदा जो कल रात घर को लौट आया
मिरा दो-ज़ानू पे सर सर पे साएबान गिरा
मैं बा-नसीब हूँ कितना ये जान ले तू भी
कि पहले धूप तनी मुझ पे फिर मकान गिरा
मैं वो फ़क़ीर हूँ लफ़्ज़ों का जिस के हाथों से
ख़याल छूटा कहीं चाक पर गुमान गिरा
मिरी कहानी में ऐ मेरे कातिब-ए-तहरीर
तू मेरा 'इज्ज़ बिखेर और इस का मान गिरा
safar hī karnā hai lāzim to mat thakān girā
zamīñ lapeT mire sar pe āsmān girā
mire vujūd ke dīvār-o-dar hilā aur phir
mire ḳhayāl kī had par koī chaTān girā
maiñ shab-gazīda jo kal raat ghar ko lauT aayā
mirā do-zānū pe sar sar pe sā.ebān girā
maiñ bā-nasīb huuñ kitnā ye jaan le tū bhī
ki pahle dhuup tanī mujh pe phir makān girā
maiñ vo faqīr huuñ lafzoñ kā jis ke hāthoñ se
ḳhayāl chhūTā kahīñ chaak par gumān girā
mirī kahānī meñ ai mere kātib-e-tahrīr
tū merā 'ijz bikher aur is kā maan girā
سفر ہی کرنا ہے لازم تو مت تھکان گرا
زمیں لپیٹ مرے سر پہ آسمان گرا
مرے وجود کے دیوار و در ہلا اور پھر
مرے خیال کی حد پر کوئی چٹان گرا
میں شب گزیدہ جو کل رات گھر کو لوٹ آیا
مرا دو زانو پہ سر سر پہ سائبان گرا
میں با نصیب ہوں کتنا یہ جان لے تو بھی
کہ پہلے دھوپ تنی مجھ پہ پھر مکان گرا
میں وہ فقیر ہوں لفظوں کا جس کے ہاتھوں سے
خیال چھوٹا کہیں چاک پر گمان گرا
مری کہانی میں اے میرے کاتب تحریر
تو میرا عجز بکھیر اور اس کا مان گرا