सदमे जो कुछ हों दिल पे सहिए
पूछे भी कोई तो चुप ही रहिए
बे-सब्र ही कह के रुक गए क्यूँ
कहिए कहिए कुछ और कहिए
आख़िर कब तक ये बे-नियाज़ी
इंसाफ़ से आप ही न कहिए
मर ही जाने की बात है ये
मेरे लिए आप ज़ुल्म सहिए
आँखों में ग़ुरूर है किसी का
किस तरह किसी से दब के रहिए
सुनने की जो बात हो वो सुनिए
कहने की जो बात हो वो कहिए
रोने को पड़ी है उम्र सारी
छालों की तरह न फूट बहिए
सुनिए जो 'हफ़ीज़' की मुसीबत
रो दीजिए आप में न रहिए
sadme jo kuchh hoñ dil pe sahiye
pūchhe bhī koī to chup hī rahiye
be-sabr hī kah ke ruk ga.e kyuuñ
kahiye kahiye kuchh aur kahiye
āḳhir kab tak ye be-niyāzī
insāf se aap hī na kahiye
mar hī jaane kī baat hai ye
mere liye aap zulm sahiye
āñkhoñ meñ ġhurūr hai kisī kā
kis tarah kisī se dab ke rahiye
sunñe kī jo baat ho vo suniye
kahne kī jo baat ho vo kahiye
rone ko paḌī hai umr saarī
chhāloñ kī tarah na phuuT bahiye
suniye jo 'hafīz' kī musībat
ro dījiye aap meñ na rahiye
صدمے جو کچھ ہوں دل پہ سہیے
پوچھے بھی کوئی تو چپ ہی رہیے
بے صبر ہی کہہ کے رک گئے کیوں
کہیے کہیے کچھ اور کہیے
آخر کب تک یہ بے نیازی
انصاف سے آپ ہی نہ کہیے
مر ہی جانے کی بات ہے یہ
میرے لیے آپ ظلم سہیے
آنکھوں میں غرور ہے کسی کا
کس طرح کسی سے دب کے رہیے
سننے کی جو بات ہو وہ سنیے
کہنے کی جو بات ہو وہ کہیے
رونے کو پڑی ہے عمر ساری
چھالوں کی طرح نہ پھوٹ بہیے
سنیے جو حفیظؔ کی مصیبت
رو دیجئے آپ میں نہ رہیے