रेत-घड़ी को भरती है मुट्ठी दीवानों की
इक लम्हे पर लग जाती है छाप ज़मानों की
जिस्म अगरचे ढाँप भी लो तो 'अक्स बरहना है
किस ने कहा था सैर करो आईना-ख़ानों की
लहरें लेते सर्व सुनाएँ इक झरने के गीत
राही दूर बहा ले जाए राह गुमानों की
अपनी ज़मीं को कब तक ढूँडे मेरे क़लम का हल
इतने में तो पक जाती है फ़स्ल किसानों की
कोरे काग़ज़ उलट रहा है कौन उदासी में
गहरे बादल टाप रहे हैं छतें मकानों की
अब के ऐसा खेल रचाया हिज्र के मौसम ने
आती है आबाद घरों से बू वीरानों की
ret-ghaḌī ko bhartī hai muTThī dīvānoñ kī
ik lamhe par lag jaatī hai chhāp zamānoñ kī
jism agarche Dhāñp bhī lo to 'aks barahna hai
kis ne kahā thā sair karo ā.īna-ḳhānoñ kī
lahreñ lete sarv sunā.eñ ik jharne ke giit
raahī duur bahā le jaa.e raah gumānoñ kī
apnī zamīñ ko kab tak DhūñDe mere qalam kā hal
itne meñ to pak jaatī hai fasl kisānoñ kī
kore kāġhaz ulaT rahā hai kaun udāsī meñ
gahre bādal Taap rahe haiñ chhateñ makānoñ kī
ab ke aisā khel rachāyā hijr ke mausam ne
aatī hai ābād gharoñ se bū vīrānoñ kī
ریت گھڑی کو بھرتی ہے مٹھی دیوانوں کی
اک لمحے پر لگ جاتی ہے چھاپ زمانوں کی
جسم اگرچہ ڈھانپ بھی لو تو عکس برہنہ ہے
کس نے کہا تھا سیر کرو آئینہ خانوں کی
لہریں لیتے سرو سنائیں اک جھرنے کے گیت
راہی دور بہا لے جائے راہ گمانوں کی
اپنی زمیں کو کب تک ڈھونڈے میرے قلم کا ہل
اتنے میں تو پک جاتی ہے فصل کسانوں کی
کورے کاغذ الٹ رہا ہے کون اداسی میں
گہرے بادل ٹاپ رہے ہیں چھتیں مکانوں کی
اب کے ایسا کھیل رچایا ہجر کے موسم نے
آتی ہے آباد گھروں سے بو ویرانوں کی