देखते देखते तदबीर बदल देता है
जंग का फ़ैसला इक तीर बदल देता है
सिर्फ़ इतनी है रि'आयत हमें दारोग़ा की
ज़ंग लग जाए तो ज़ंजीर बदल देता है
एक पत्थर के ख़ुदा ने ये बताया है मुझे
कोई तेशा है जो तक़दीर बदल देता है
तपते सहरा को बना लेता है ऐवाँ अपना
'इश्क़ इंसान की जागीर बदल देता है
यूँ उलझता है तिरी याद का नक़्शा ऐ दोस्त
देख यकसर मिरी ता'मीर बदल देता है
सादगी जामा-ए-ग़ालिब है ब-ज़ाहिर लेकिन
रूह में अपनी इसे 'मीर' बदल देता है
मुड़ के देखा तो सर-ए-बाम वो जलता मंज़र
मेरा इक लम्हा-ए-ताख़ीर बदल देता है
'औन' इस दौर का राँझा है 'अजब सहल-मिज़ाज
ख़ौफ़-ए-रुस्वाई से जो हीर बदल देता है
dekhte dekhte tadbīr badal detā hai
jang kā faisla ik tiir badal detā hai
sirf itnī hai ri'āyat hameñ dāroġha kī
zang lag jaa.e to zanjīr badal detā hai
ek patthar ke ḳhudā ne ye batāyā hai mujhe
koī tesha hai jo taqdīr badal detā hai
tapte sahrā ko banā letā hai aivāñ apnā
'ishq insān kī jāgīr badal detā hai
yuuñ ulajhtā hai tirī yaad kā naqsha ai dost
dekh yaksar mirī tā'mīr badal detā hai
sādgī jāma-e-ġhālib hai ba-zāhir lekin
ruuh meñ apnī ise 'mīr' badal detā hai
muḌ ke dekhā to sar-e-bām vo jaltā manzar
merā ik lamha-e-tāḳhīr badal detā hai
'aun' is daur kā rāñjhā hai 'ajab sahl-mizāj
ḳhauf-e-rusvā.ī se jo hiir badal detā hai
دیکھتے دیکھتے تدبیر بدل دیتا ہے
جنگ کا فیصلہ اک تیر بدل دیتا ہے
صرف اتنی ہے رعایت ہمیں داروغہ کی
زنگ لگ جائے تو زنجیر بدل دیتا ہے
ایک پتھر کے خدا نے یہ بتایا ہے مجھے
کوئی تیشہ ہے جو تقدیر بدل دیتا ہے
تپتے صحرا کو بنا لیتا ہے ایواں اپنا
عشق انسان کی جاگیر بدل دیتا ہے
یوں الجھتا ہے تری یاد کا نقشہ اے دوست
دیکھ یکسر مری تعمیر بدل دیتا ہے
سادگی جامۂ غالبؔ ہے بظاہر لیکن
روح میں اپنی اسے میرؔ بدل دیتا ہے
مڑ کے دیکھا تو سر بام وہ جلتا منظر
میرا اک لمحۂ تاخیر بدل دیتا ہے
عونؔ اس دور کا رانجھا ہے عجب سہل مزاج
خوف رسوائی سے جو ہیر بدل دیتا ہے