बादल वो इंक़िलाब का बरसा है मेरे बा'द
सहरा सभी के ख़्वाब में दरिया है मेरे बा'द
दाएम ये मेरी फ़त्ह का ए'लान ही तो है
नस्ल-ए-'अदू को मेरा ही धड़का है मेरे बा'द
निकली सुपुर्दगी के कुएँ से कोई सुरंग
भटके हुओं ने रास्ता पाया है मेरे बा'द
हर ताक़ पर दिया नहीं जलता ओ अजनबी
ख़ुद को सँभालना कि अँधेरा है मेरे बा'द
मैं था जो उस बहार के रस्ते का ख़ार था
नथली का फूल अब तो सितारा है मेरे बा'द
वो क्या उठा सकेगा तिरे आबलों का वज़्न
सहरा तो अपनी ख़ाक उड़ाता है मेरे बा'द
ऐ 'औन' मेरे प्रेम की माला थी जिस के नाम
मोती वफ़ा के ढूँडता फिरता है मेरे बा'द
bādal vo inqilāb kā barsā hai mere baa'd
sahrā sabhī ke ḳhvāb meñ dariyā hai mere baa'd
daa.em ye merī fat.h kā e'lān hī to hai
nasl-e-'adū ko merā hī dhaḌkā hai mere baa'd
niklī supurdagī ke kueñ se koī surang
bhaTke huoñ ne rāsta paayā hai mere baa'd
har taaq par diyā nahīñ jaltā o ajnabī
ḳhud ko sañbhālnā ki añdherā hai mere baa'd
maiñ thā jo us bahār ke raste kā ḳhaar thā
nathlī kā phuul ab to sitāra hai mere baa'd
vo kyā uThā sakegā tire ābloñ kā vazn
sahrā to apnī ḳhaak uḌātā hai mere baa'd
ai 'aun' mere prem kī maalā thī jis ke naam
motī vafā ke DhūñDtā phirtā hai mere baa'd
بادل وہ انقلاب کا برسا ہے میرے بعد
صحرا سبھی کے خواب میں دریا ہے میرے بعد
دائم یہ میری فتح کا اعلان ہی تو ہے
نسل عدو کو میرا ہی دھڑکا ہے میرے بعد
نکلی سپردگی کے کنویں سے کوئی سرنگ
بھٹکے ہوؤں نے راستہ پایا ہے میرے بعد
ہر طاق پر دیا نہیں جلتا او اجنبی
خود کو سنبھالنا کہ اندھیرا ہے میرے بعد
میں تھا جو اس بہار کے رستے کا خار تھا
نتھلی کا پھول اب تو ستارہ ہے میرے بعد
وو کیا اٹھا سکے گا ترے آبلوں کا وزن
صحرا تو اپنی خاک اڑاتا ہے میرے بعد
اے عونؔ میرے پریم کی مالا تھی جس کے نام
موتی وفا کے ڈھونڈتا پھرتا ہے میرے بعد