रंज की जब गुफ़्तुगू होने लगी
आप से तुम तुम से तू होने लगी
चाहिए पैग़ाम-बर दोनों तरफ़
लुत्फ़ क्या जब दू-ब-दू होने लगी
मेरी रुस्वाई की नौबत आ गई
उन की शोहरत कू-ब-कू होने लगी
है तिरी तस्वीर कितनी बे-हिजाब
हर किसी के रू-ब-रू होने लगी
ना-उमीदी बढ़ गई है इस क़दर
आरज़ू की आरज़ू होने लगी
अब के मिल कर देखिए क्या रंग हो
फिर हमारी जुस्तुजू होने लगी
'दाग़' इतराए हुए फिरते हैं आज
शायद उन की आबरू होने लगी
ranj kī jab guftugū hone lagī
aap se tum tum se tū hone lagī
chāhiye paiġhām-bar donoñ taraf
lutf kyā jab dū-ba-dū hone lagī
merī rusvā.ī kī naubat aa ga.ī
un kī shohrat kū-ba-kū hone lagī
hai tirī tasvīr kitnī be-hijāb
har kisī ke rū-ba-rū hone lagī
nā-umīdī baḌh ga.ī hai is qadar
aarzū kī aarzū hone lagī
ab ke mil kar dekhiye kyā rang ho
phir hamārī justujū hone lagī
'dāġh' itrā.e hue phirte haiñ aaj
shāyad un kī aabrū hone lagī
رنج کی جب گفتگو ہونے لگی
آپ سے تم تم سے تو ہونے لگی
چاہیئے پیغام بر دونوں طرف
لطف کیا جب دو بہ دو ہونے لگی
میری رسوائی کی نوبت آ گئی
ان کی شہرت کو بہ کو ہونے لگی
ہے تری تصویر کتنی بے حجاب
ہر کسی کے رو بہ رو ہونے لگی
ناامیدی بڑھ گئی ہے اس قدر
آرزو کی آرزو ہونے لگی
اب کے مل کر دیکھیے کیا رنگ ہو
پھر ہماری جستجو ہونے لگی
داغؔ اترائے ہوئے پھرتے ہیں آج
شاید ان کی آبرو ہونے لگی