आशिक़ के दिल में और तिरी आरज़ू न हो
इस बाग़ का तू फूल हो फिर इस में बू न हो
ऐ दर्द-ए-इश्क़ ख़ाना-ए-दिल घर तिरा सही
आबाद ये मकान तो जब हो कि तू न हो
मैं रंग देख कर न करूँगा यक़ीं कभी
जब तक अदू के ख़ून की ख़ंजर में बू न हो
चाक-ए-दिल-ए-रक़ीब की जब फ़िक्र कीजिए
पहले ये देख लीजिए पहला रफ़ू न हो
इस फ़िक्र में कुछ उन से न हम बात कर सके
ये गुफ़्तुगू न हो कहीं वो गुफ़्तुगू न हो
मुझ को जनाब-ए-शैख़ की दावत ज़रूर है
ऐसी कहीं शराब मिले जिस में बू न हो
मिट्टी की मूरत इस से तो ऐ 'दाग़' ख़ूब है
मा'शूक़ क्या जो शोख़ न हो ख़ुश-गुलू न हो
āshiq ke dil meñ aur tirī aarzū na ho
is baaġh kā tū phuul ho phir is meñ bū na ho
ai dard-e-ishq ḳhāna-e-dil ghar tirā sahī
ābād ye makān to jab ho ki tū na ho
maiñ rang dekh kar na karūñgā yaqīñ kabhī
jab tak adū ke ḳhuun kī ḳhanjar meñ bū na ho
chāk-e-dil-e-raqīb kī jab fikr kījiye
pahle ye dekh lījiye pahlā rafū na ho
is fikr meñ kuchh un se na ham baat kar sake
ye guftugū na ho kahīñ vo guftugū na ho
mujh ko janāb-e-shaiḳh kī dāvat zarūr hai
aisī kahīñ sharāb mile jis meñ bū na ho
miTTī kī mūrat is se to ai 'dāġh' ḳhuub hai
ma.ashūq kyā jo shoḳh na ho ḳhush-gulū na ho
عاشق کے دل میں اور تری آرزو نہ ہو
اس باغ کا تو پھول ہو پھر اس میں بو نہ ہو
اے درد عشق خانۂ دل گھر ترا سہی
آباد یہ مکان تو جب ہو کہ تو نہ ہو
میں رنگ دیکھ کر نہ کروں گا یقیں کبھی
جب تک عدو کے خون کی خنجر میں بو نہ ہو
چاک دل رقیب کی جب فکر کیجیے
پہلے یہ دیکھ لیجیے پہلا رفو نہ ہو
اس فکر میں کچھ ان سے نہ ہم بات کر سکے
یہ گفتگو نہ ہو کہیں وہ گفتگو نہ ہو
مجھ کو جناب شیخ کی دعوت ضرور ہے
ایسی کہیں شراب ملے جس میں بو نہ ہو
مٹی کی مورت اس سے تو اے داغؔ خوب ہے
معشوق کیا جو شوخ نہ ہو خوش گلو نہ ہو