आप का ए'तिबार कौन करे
रोज़ का इंतिज़ार कौन करे
ज़िक्र-ए-मेहर-ओ-वफ़ा तो हम करते
पर तुम्हें शर्मसार कौन करे
हो जो उस चश्म-ए-मस्त से बे-ख़ुद
फिर उसे होशियार कौन करे
तुम तो हो जान इक ज़माने की
जान तुम पर निसार कौन करे
आफ़त-ए-रोज़गार जब तुम हो
शिकवा-ए-रोज़गार कौन करे
अपनी तस्बीह रहने दे ज़ाहिद
दाना दाना शुमार कौन करे
हिज्र में ज़हर खा के मर जाऊँ
मौत का इंतिज़ार कौन करे
आँख है तुर्क ज़ुल्फ़ है सय्याद
देखें दिल का शिकार कौन करे
वा'दा करते नहीं ये कहते हैं
तुझ को उम्मीद-वार कौन करे
'दाग़' की शक्ल देख कर बोले
ऐसी सूरत को प्यार कौन करे
aap kā e'tibār kaun kare
roz kā intizār kaun kare
zikr-e-mehr-o-vafā to ham karte
par tumheñ sharmsār kaun kare
ho jo us chashm-e-mast se be-ḳhud
phir use hoshiyār kaun kare
tum to ho jaan ik zamāne kī
jaan tum par nisār kaun kare
āfat-e-rozgār jab tum ho
shikva-e-rozgār kaun kare
apnī tasbīh rahne de zāhid
daana daana shumār kaun kare
hijr meñ zahr khā ke mar jā.ūñ
maut kā intizār kaun kare
aañkh hai turk zulf hai sayyād
dekheñ dil kā shikār kaun kare
vā'da karte nahīñ ye kahte haiñ
tujh ko ummīd-vār kaun kare
'dāġh' kī shakl dekh kar bole
aisī sūrat ko pyaar kaun kare
آپ کا اعتبار کون کرے
روز کا انتظار کون کرے
ذکر مہر و وفا تو ہم کرتے
پر تمہیں شرمسار کون کرے
ہو جو اس چشم مست سے بے خود
پھر اسے ہوشیار کون کرے
تم تو ہو جان اک زمانے کی
جان تم پر نثار کون کرے
آفت روزگار جب تم ہو
شکوۂ روزگار کون کرے
اپنی تسبیح رہنے دے زاہد
دانہ دانہ شمار کون کرے
ہجر میں زہر کھا کے مر جاؤں
موت کا انتظار کون کرے
آنکھ ہے ترک زلف ہے صیاد
دیکھیں دل کا شکار کون کرے
وعدہ کرتے نہیں یہ کہتے ہیں
تجھ کو امیدوار کون کرے
داغؔ کی شکل دیکھ کر بولے
ایسی صورت کو پیار کون کرے