राज़-ए-सर-बस्ता मोहब्बत के ज़बाँ तक पहुँचे
बात बढ़ कर ये ख़ुदा जाने कहाँ तक पहुँचे
क्या तसर्रुफ़ है तिरे हुस्न का अल्लाह अल्लाह
जल्वे आँखों से उतर कर दिल-ओ-जाँ तक पहुँचे
तिरी मंज़िल पे पहुँचना कोई आसान न था
सरहद-ए-अक़्ल से गुज़रे तो यहाँ तक पहुँचे
हैरत-ए-'इश्क़ मिरी हुस्न का आईना है
देखने वाले कहाँ से हैं कहाँ तक पहुँचे
खुल गया आज निगाहें हैं निगाहें अपनी
जल्वे ही जल्वे नज़र आए जहाँ तक पहुँचे
वही इस गोशा-ए-दामाँ की हक़ीक़त जाने
जो मिरे दीदा-ए-ख़ूँनाबा-फ़िशाँ तक पहुँचे
इब्तिदा में जिन्हें हम नंग-ए-वफ़ा समझे थे
होते होते वो गिले हुस्न-ए-बयाँ तक पहुँचे
आह वो हर्फ़-ए-तमन्ना कि न लब तक आए
हाए वो बात कि इक इक की ज़बाँ तक पहुँचे
किस का दिल है कि सुने क़िस्सा-ए-फ़ुर्क़त मेरा
कौन है जो मिरे अंदोह-ए-निहाँ तक पहुँचे
खलिश-अंगेज़ था क्या क्या तिरी मिज़्गाँ का ख़याल
टूट कर दिल में ये नश्तर रग-ए-जाँ तक पहुँचे
न पता संग-ए-निशाँ का न ख़बर रहबर की
जुस्तुजू में तिरे दीवाने यहाँ तक पहुँचे
न ग़ुबार-ए-रह-ए-मंज़िल है न आवाज़-ए-जरस
कौन मुझ रहरव-ए-गुम-कर्दा-निशाँ तक पहुँचे
साफ़ तौहीन है ये दर्द-ए-मोहब्बत की 'हफ़ीज़'
हुस्न का राज़ हो और मेरी ज़बाँ तक पहुँचे
rāz-e-sar-basta mohabbat ke zabāñ tak pahuñche
baat baḌh kar ye ḳhudā jaane kahāñ tak pahuñche
kyā tasarruf hai tire husn kā allāh allāh
jalve āñkhoñ se utar kar dil-o-jāñ tak pahuñche
tirī manzil pe pahuñchnā koī āsān na thā
sarhad-e-aql se guzre to yahāñ tak pahuñche
hairat-e-'ishq mirī husn kā ā.īna hai
dekhne vaale kahāñ se haiñ kahāñ tak pahuñche
khul gayā aaj nigāheñ haiñ nigāheñ apnī
jalve hī jalve nazar aa.e jahāñ tak pahuñche
vahī is gosha-e-dāmāñ kī haqīqat jaane
jo mire dīda-e-ḳhūñ-nāba-fishāñ tak pahuñche
ibtidā meñ jinheñ ham nañg-e-vafā samjhe the
hote hote vo gile husn-e-bayāñ tak pahuñche
aah vo harf-e-tamannā ki na lab tak aa.e
haa.e vo baat ki ik ik kī zabāñ tak pahuñche
kis kā dil hai ki sune qissa-e-furqat merā
kaun hai jo mire andoh-e-nihāñ tak pahuñche
ḳhalish-añgez thā kyā kyā tirī mizhgāñ kā ḳhayāl
TuuT kar dil meñ ye nashtar rag-e-jāñ tak pahuñche
na pata sañg-e-nishāñ kā na ḳhabar rahbar kī
justujū meñ tire dīvāne yahāñ tak pahuñche
na ġhubār-e-rah-e-manzil hai na āvāz-e-jaras
kaun mujh rahrav-e-gum-karda-nishāñ tak pahuñche
saaf tauhīn hai ye dard-e-mohabbat kī 'hafīz'
husn kā raaz ho aur merī zabāñ tak pahuñche
راز سر بستہ محبت کے زباں تک پہنچے
بات بڑھ کر یہ خدا جانے کہاں تک پہنچے
کیا تصرف ہے ترے حسن کا اللہ اللہ
جلوے آنکھوں سے اتر کر دل و جاں تک پہنچے
تری منزل پہ پہنچنا کوئی آسان نہ تھا
سرحد عقل سے گزرے تو یہاں تک پہنچے
حیرت عشق مری حسن کا آئینہ ہے
دیکھنے والے کہاں سے ہیں کہاں تک پہنچے
کھل گیا آج نگاہیں ہیں نگاہیں اپنی
جلوے ہی جلوے نظر آئے جہاں تک پہنچے
وہی اس گوشۂ داماں کی حقیقت جانے
جو مرے دیدۂ خوں نابہ فشاں تک پہنچے
ابتدا میں جنہیں ہم ننگ وفا سمجھے تھے
ہوتے ہوتے وہ گلے حسن بیاں تک پہنچے
آہ وہ حرف تمنا کہ نہ لب تک آئے
ہائے وہ بات کہ اک اک کی زباں تک پہنچے
کس کا دل ہے کہ سنے قصۂ فرقت میرا
کون ہے جو مرے اندوہ نہاں تک پہنچے
خلش انگیز تھا کیا کیا تری مژگاں کا خیال
ٹوٹ کر دل میں یہ نشتر رگ جاں تک پہنچے
نہ پتہ سنگ نشاں کا نہ خبر رہبر کی
جستجو میں ترے دیوانے یہاں تک پہنچے
نہ غبار رہ منزل ہے نہ آواز جرس
کون مجھ رہرو گم کردہ نشاں تک پہنچے
صاف توہین ہے یہ درد محبت کی حفیظؔ
حسن کا راز ہو اور میری زباں تک پہنچے