अब कोई आरज़ू नहीं शौक़-ए-पयाम के सिवा
अब कोई जुस्तुजू नहीं शौक़-ए-सलाम के सिवा
कोई शरीक-ए-ग़म नहीं अब तेरी याद के सिवा
कोई अनीस-ए-दिल नहीं अब तेरे नाम के सिवा
काहिश-ए-आरज़ू सही हासिल-ए-ज़िंदगी मगर
हासिल-ए-आरज़ू है क्या सोज़-ए-मुदाम के सिवा
आह कोई न कर सका चारा-ए-तल्ख़ी-ए-फ़िराक़
नाला-ए-सुब्ह के बग़ैर गिर्या-ए-शाम के सिवा
तेरी निगाह-ए-मस्त से मुझ पे ये राज़ खुल गया
और भी गर्दिशें हैं कुछ गर्दिश-ए-जाम के सिवा
रंग-ए-बहार पर न फूल बू-ए-चमन से दरगुज़र
ये भी हैं ख़ुशनुमा फ़रेब-ए-दाना-ओ-दाम के सिवा
मर के हयात-ए-जाविदाँ इश्क़ को मिल गई 'हफ़ीज़'
जी के होश को क्या मिला मर्ग-ए-दवाम के सिवा
ab koī aarzū nahīñ zauq-e-payām ke sivā
ab koī justujū nahīñ shauq-e-salām ke sivā
koī sharīk-e-ġham nahīñ ab terī yaad ke sivā
koī anīs-e-dil nahīñ ab tere naam ke sivā
kāhish-e-ārzū sahī hāsil-e-zindagī magar
hāsil-e-ārzū hai kyā soz-e-mudām ke sivā
aah koī na kar sakā chāra-e-talḳhī-e-firāq
nāla-e-sub.h ke baġhair giriya-e-shām ke sivā
terī nigāh-e-mast se mujh pe ye raaz khul gayā
aur bhī gardisheñ haiñ kuchh gardish-e-jām ke sivā
rañg-e-bahār par na phuul bū-e-chaman se darguzar
ye bhī haiñ ḳhushnumā fareb-e-dāna-o-dām ke sivā
mar ke hayāt-e-jāvidāñ ishq ko mil ga.ī 'hafīz'
jī ke hosh ko kyā milā marg-e-davām ke sivā
اب کوئی آرزو نہیں ذوق پیام کے سوا
اب کوئی جستجو نہیں شوق سلام کے سوا
کوئی شریک غم نہیں اب تیری یاد کے سوا
کوئی انیس دل نہیں اب تیرے نام کے سوا
کاہش آرزو سہی حاصل زندگی مگر
حاصل آرزو ہے کیا سوز مدام کے سوا
آہ کوئی نہ کر سکا چارۂ تلخئ فراق
نالۂ صبح کے بغیر گریۂ شام کے سوا
تیری نگاہ مست سے مجھ پہ یہ راز کھل گیا
اور بھی گردشیں ہیں کچھ گردش جام کے سوا
رنگ بہار پر نہ پھول بوئے چمن سے درگزر
یہ بھی ہیں خوش نما فریب دانہ و دام کے سوا
مر کے حیات جاوداں عشق کو مل گئی حفیظؔ
جی کے ہوش کو کیا ملا مرگ دوام کے سوا