ऐसी भी क्या जल्दी प्यारे जाने मिलें फिर या न मिलें हम
कौन कहेगा फिर ये फ़साना बैठ भी जाओ सुन लो कोई दम
वस्ल की शीरीनी में पिन्हाँ हिज्र की तल्ख़ी भी है कम कम
तुम से मिलने की भी ख़ुशी है तुम से जुदा होने का भी ग़म
हुस्न-ओ-इश्क़ जुदा होते हैं जाने क्या तूफ़ान उठेगा
हुस्न की आँखें भी हैं पुर-नम 'इश्क़ की आँखें भी हैं पुर-नम
मेरी वफ़ा तो नादानी थी तुम ने मगर ये क्या ठानी थी
काश न करते मुझ से मोहब्बत काश न होता दिल का ये 'आलम
परवाने की ख़ाक परेशाँ शम' की लौ भी लर्ज़ां लर्ज़ां
महफ़िल की महफ़िल है वीराँ कौन करे अब किस का मातम
कुछ भी हो पर इन आँखों ने अक्सर ये 'आलम भी देखा
'इश्क़ की दुनिया नाज़-ए-सरापा हुस्न की दुनिया इज्ज़-ए-मुजस्सम
शहद-शिकन होंटों की लर्ज़िश 'इशरत बाक़ी का गहवारा
दायरा-ए-इम्कान-ए-तमन्ना नर्म लचकती बाँहों के ख़म
अपने अपने दिल के हाथों दोनों ही बर्बाद हुए हैं
मैं हूँ और वफ़ा का रोना वो हैं और जफ़ा का मातम
नाकामी सी नाकामी है महरूमी सी महरूमी है
दिल का मनाना सई-ए-मुसलसल उन को भुलाना कोशिश-ए-पैहम
अहद-ए-वफ़ा है और भी मोहकम तेरी जुदाई के मैं क़ुर्बां
तेरी जुदाई के मैं क़ुर्बां अहद-ए-वफ़ा है और भी मोहकम
aisī bhī kyā jaldī pyāre jaane mileñ phir yā na mileñ ham
kaun kahegā phir ye fasāna baiTh bhī jaao sun lo koī dam
vasl kī shīrīnī meñ pinhāñ hijr kī talḳhī bhī hai kam kam
tum se milne kī bhī ḳhushī hai tum se judā hone kā bhī ġham
husn-o-ishq judā hote haiñ jaane kyā tūfān uThegā
husn kī āñkheñ bhī haiñ pur-nam 'ishq kī āñkheñ bhī haiñ pur-nam
merī vafā to nādānī thī tum ne magar ye kyā Thānī thī
kaash na karte mujh se mohabbat kaash na hotā dil kā ye 'ālam
parvāne kī ḳhaak pareshāñ sham' kī lau bhī larzāñ larzāñ
mahfil kī mahfil hai vīrāñ kaun kare ab kis kā mātam
kuchh bhī ho par in āñkhoñ ne aksar ye 'ālam bhī dekhā
'ishq kī duniyā nāz-e-sarāpā husn kī duniyā ijz-e-mujassam
shahd-shikan hoñToñ kī larzish 'ishrat baaqī kā gahvāra
dā.era-e-imkān-e-tamannā narm lachaktī bāñhoñ ke ḳham
apne apne dil ke hāthoñ donoñ hī barbād hue haiñ
maiñ huuñ aur vafā kā ronā vo haiñ aur jafā kā mātam
nākāmī sī nākāmī hai mahrūmī sī mahrūmī hai
dil kā manānā sa.ī-e-musalsal un ko bhulānā koshish-e-paiham
ahd-e-vafā hai aur bhī mohkam terī judā.ī ke maiñ qurbāñ
terī judā.ī ke maiñ qurbāñ ahd-e-vafā hai aur bhī mohkam
ایسی بھی کیا جلدی پیارے جانے ملیں پھر یا نہ ملیں ہم
کون کہے گا پھر یہ فسانہ بیٹھ بھی جاؤ سن لو کوئی دم
وصل کی شیرینی میں پنہاں ہجر کی تلخی بھی ہے کم کم
تم سے ملنے کی بھی خوشی ہے تم سے جدا ہونے کا بھی غم
حسن و عشق جدا ہوتے ہیں جانے کیا طوفان اٹھے گا
حسن کی آنکھیں بھی ہیں پر نم عشق کی آنکھیں بھی ہیں پر نم
میری وفا تو نادانی تھی تم نے مگر یہ کیا ٹھانی تھی
کاش نہ کرتے مجھ سے محبت کاش نہ ہوتا دل کا یہ عالم
پروانے کی خاک پریشاں شمع کی لو بھی لرزاں لرزاں
محفل کی محفل ہے ویراں کون کرے اب کس کا ماتم
کچھ بھی ہو پر ان آنکھوں نے اکثر یہ عالم بھی دیکھا
عشق کی دنیا ناز سراپا حسن کی دنیا عجز مجسم
شہد شکن ہونٹوں کی لرزش عشرت باقی کا گہوارہ
دائرہ امکان تمنا نرم لچکتی بانہوں کے خم
اپنے اپنے دل کے ہاتھوں دونوں ہی برباد ہوئے ہیں
میں ہوں اور وفا کا رونا وہ ہیں اور جفا کا ماتم
ناکامی سی ناکامی ہے محرومی سی محرومی ہے
دل کا منانا سعیٔ مسلسل ان کو بھلانا کوشش پیہم
عہد وفا ہے اور بھی محکم تیری جدائی کے میں قرباں
تیری جدائی کے میں قرباں عہد وفا ہے اور بھی محکم