राज़ दर-पर्दा-ए-दस्तार-ओ-क़बा जानती है
कौन किस भेस में है ख़ल्क़-ए-ख़ुदा जानती है
कौन से दीप नुमाइश के लिए छोड़ने हैं
किन चराग़ों को बुझाना है हवा जानती है
ये कभी मुझ को अकेला नहीं होने देती
मेरी तन्हाई मुझे तुम से सिवा जानती है
आप ईजाद करें जौर-ओ-सितम रोज़ नए
भूल जाने का हुनर मेरी वफ़ा जानती है
नश्शा-ए-‘इश्क़ मुझे और ज़रा कर मदहोश
बे-ख़ुदी मेरी अभी मेरा पता जानती है
दश्त मंज़ूर है लेकिन मुझे मंज़ूर नहीं
ऐसी बस्ती जो शराफ़त को ख़ता जानती है
कौन से बुत हैं जिन्हें दस्त-ए-पयम्बर तोड़े
उम्मत-ए-हिर्स तो पैसे को ख़ुदा जानती है
निस्बतें लाख बदल डाले ज़माना लेकिन
एक दुनिया तो मुझे अब भी तिरा जानती है
इक मिरी चश्म-ए-तमाशा है कि होती नहीं सैर
फ़िक्र-ए-मंज़िल है कि रुकने को बुरा जानती है
मेरे अल्फ़ाज़ हैं दर-अस्ल क़लम के आँसू
रौशनाई लहू बनने की अदा जानती है
raaz dar-parda-e-dastār-o-qabā jāntī hai
kaun kis bhes meñ hai ḳhalq-e-ḳhudā jāntī hai
kaun se diip numā.ish ke liye chhoḌne haiñ
kin charāġhoñ ko bujhānā hai havā jāntī hai
ye kabhī mujh ko akelā nahīñ hone detī
merī tanhā.ī mujhe tum se sivā jāntī hai
aap ījād kareñ jaur-o-sitam roz na.e
bhuul jaane kā hunar merī vafā jāntī hai
nashsha-e-‘ishq mujhe aur zarā kar mad.hosh
be-ḳhudī merī abhī merā pata jāntī hai
dasht manzūr hai lekin mujhe manzūr nahīñ
aisī bastī jo sharāfat ko ḳhatā jāntī hai
kaun se but haiñ jinheñ dast-e-payambar toḌe
ummat-e-hirs to paise ko ḳhudā jāntī hai
nisbateñ laakh badal Daale zamāna lekin
ek duniyā to mujhe ab bhī tirā jāntī hai
ik mirī chashm-e-tamāshā hai ki hotī nahīñ sair
fikr-e-manzil hai ki rukne ko burā jāntī hai
mere alfāz haiñ dar-asl qalam ke aañsū
raushnā.ī lahū banñe kī adā jāntī hai
راز در پردۂ دستار و قبا جانتی ہے
کون کس بھیس میں ہے خلق خدا جانتی ہے
کون سے دیپ نمائش کے لئے چھوڑنے ہیں
کن چراغوں کو بجھانا ہے ہوا جانتی ہے
یہ کبھی مجھ کو اکیلا نہیں ہونے دیتی
میری تنہائی مجھے تم سے سوا جانتی ہے
آپ ایجاد کریں جور و ستم روز نئے
بھول جانے کا ہنر میری وفا جانتی ہے
نشۂ عشق مجھے اور ذرا کر مدہوش
بے خودی میری ابھی میرا پتہ جانتی ہے
دشت منظور ہے لیکن مجھے منظور نہیں
ایسی بستی جو شرافت کو خطا جانتی ہے
کون سے بت ہیں جنہیں دست پیمبر توڑے
امت حرص تو پیسے کو خدا جانتی ہے
نسبتیں لاکھ بدل ڈالے زمانہ لیکن
ایک دنیا تو مجھے اب بھی ترا جانتی ہے
اک مری چشم تماشا ہے کہ ہوتی نہیں سیر
فکر منزل ہے کہ رکنے کو برا جانتی ہے
میرے الفاظ ہیں دراصل قلم کے آنسو
روشنائی لہو بننے کی ادا جانتی ہے