रात गुज़री तो यक़ीं था कि सवेरा होगा
क्या ख़बर थी कि वही घोर-अँधेरा होगा
राह में जिन से था साया वो शजर सूख गए
अब ख़ुदा जाने कहाँ अपना बसेरा होगा
ना-शनासान-ए-मोहब्बत से तवक़्क़ो है फ़ुज़ूल
जो ख़ुद अपना न हुआ किस तरह मेरा होगा
हम-नशीनो शब-ए-फ़ुर्क़त को ग़नीमत समझो
अब कोई शाम न होगी न सवेरा होगा
आस्तीनों में है साँप अपने छुपाए जो शख़्स
वो मिरा दोस्त हो क्यों कोई सपेरा होगा
तूल खींचा है बहुत तीरा-शबी ने लेकिन
तबल-ए-सुब्ह के बजते ही सवेरा होगा
सुब्ह-ए-सादिक़ की शुआएँ ये बताती हैं 'वफ़ा'
सुब्ह-ए-काज़िब का बस अब दूर अंधेरा होगा
raat guzrī to yaqīñ thā ki saverā hogā
kyā ḳhabar thī ki vahī ghor-añdherā hogā
raah meñ jin se thā saaya vo shajar suukh ga.e
ab ḳhudā jaane kahāñ apnā baserā hogā
nā-shanāsān-e-mohabbat se tavaqqo hai fuzūl
jo ḳhud apnā na huā kis tarah merā hogā
ham-nashīno shab-e-furqat ko ġhanīmat samjho
ab koī shaam na hogī na saverā hogā
āstīnoñ meñ hai saañp apne chhupā.e jo shaḳhs
vo mirā dost ho kyoñ koī saperā hogā
tuul khīñchā hai bahut tīra-shabī ne lekin
tabal-e-sub.h ke bajte hī saverā hogā
sub.h-e-sādiq kī shuā.eñ ye batātī haiñ 'vafā'
sub.h-e-kāzib kā bas ab duur añdherā hogā
رات گزری تو یقیں تھا کہ سویرا ہوگا
کیا خبر تھی کہ وہی گھور اندھیرا ہوگا
راہ میں جن سے تھا سایہ وہ شجر سوکھ گئے
اب خدا جانے کہاں اپنا بسیرا ہوگا
ناشناسان محبت سے توقع ہے فضول
جو خود اپنا نہ ہوا کس طرح میرا ہوگا
ہم نشینو شب فرقت کو غنیمت سمجھو
اب کوئی شام نہ ہوگی نہ سویرا ہوگا
آستینوں میں ہے سانپ اپنے چھپائے جو شخص
وہ مرا دوست ہو کیوں کوئی سپیرا ہوگا
طول کھینچا ہے بہت تیرہ شبی نے لیکن
طبل صبح کے بجتے ہی سویرا ہوگا
صبح صادق کی شعاعیں یہ بتاتی ہیں وفاؔ
صبح کاذب کا بس اب دور اندھیرا ہوگا