राह पर उन को लगा लाए तो हैं बातों में
और खुल जाएँगे दो चार मुलाक़ातों में
ये भी तुम जानते हो चंद मुलाक़ातों में
आज़माया है तुम्हें हम ने कई बातों में
ग़ैर के सर की बलाएँ जो नहीं लें ज़ालिम
क्या मिरे क़त्ल को भी जान नहीं हाथों में
अब्र-ए-रहमत ही बरसता नज़र आया ज़ाहिद
ख़ाक उड़ती कभी देखी न ख़राबातों में
या-रब उस चाँद के टुकड़े को कहाँ से लाऊँ
रौशनी जिस की हो इन तारों भरी रातों में
तुम्हीं इंसाफ़ से ऐ हज़रत नासेह कह दो
लुत्फ़ उन बातों में आता है कि इन बातों में
दौड़ कर दस्त-ए-दु'आ साथ दु'आ के जाते
हाए पैदा न हुए पाँव मिरे हाथों में
जल्वा-ए-यार से जब बज़्म में ग़श आया है
तो रक़ीबों ने सँभाला है मुझे हाथों में
ऐसी तक़रीर सुनी थी न कभी शोख़-ओ-शरीर
तेरी आँखों के भी फ़ित्ने हैं तिरी बातों में
हम से इंकार हुआ ग़ैर से इक़रार हुआ
फ़ैसला ख़ूब किया आप ने दो बातों में
हफ़्त अफ़्लाक हैं लेकिन नहीं खुलता ये हिजाब
कौन सा दुश्मन-ए-उश्शाक़ हैं इन सातों में
और सुनते अभी रिंदों से जनाब-ए-वा'इज़
चल दिए आप तो दो-चार सलावातों में
हम ने देखा उन्हीं लोगों को तिरा दम भरते
जिन की शोहरत थी ये हरगिज़ नहीं इन बातों में
भेजे देता है उन्हें 'इश्क़ मता'-ए-दिल-ओ-जाँ
एक सरकार लुटी जाती है सौग़ातों में
दिल कुछ आगाह तो हो शेवा-ए-अय्यारी से
इस लिए आप हम आते हैं तिरी घातों में
वस्ल कैसा वो किसी तरह बहलते ही न थे
शाम से सुब्ह हुई उन की मुदारातों में
वो गए दिन जो रहे याद बुतों की ऐ 'दाग़'
रात भर अब तो गुज़रती है मुनाजातों में
raah par un ko lagā laa.e to haiñ bātoñ meñ
aur khul jā.eñge do chaar mulāqātoñ meñ
ye bhī tum jānte ho chand mulāqātoñ meñ
āzmāyā hai tumheñ ham ne ka.ī bātoñ meñ
ġhair ke sar kī balā.eñ jo nahīñ leñ zālim
kyā mire qatl ko bhī jaan nahīñ hāthoñ meñ
abr-e-rahmat hī barastā nazar aayā zāhid
ḳhaak uḌtī kabhī dekhī na ḳharābātoñ meñ
yā-rab us chāñd ke TukḌe ko kahāñ se lā.ūñ
raushnī jis kī ho in tāroñ bharī rātoñ meñ
tumhīñ insāf se ai hazrat nāseh kah do
lutf un bātoñ meñ aatā hai ki in bātoñ meñ
dauḌ kar dast-e-du'ā saath du'ā ke jaate
haa.e paidā na hue paañv mire hāthoñ meñ
jalva-e-yār se jab bazm meñ ġhash aayā hai
to raqīboñ ne sambhālā hai mujhe hāthoñ meñ
aisī taqrīr sunī thī na kabhī shoḳh-o-sharīr
terī āñkhoñ ke bhī fitne haiñ tirī bātoñ meñ
ham se inkār huā ġhair se iqrār huā
faisla ḳhuub kiyā aap ne do bātoñ meñ
haft aflāk haiñ lekin nahīñ khultā ye hijāb
kaun sā dushman-e-ushshāq haiñ in sātoñ meñ
aur sunte abhī rindoñ se janāb-e-vā'iz
chal diye aap to do-chār salāvātoñ meñ
ham ne dekhā unhīñ logoñ ko tirā dam bharte
jin kī shohrat thī ye hargiz nahīñ in bātoñ meñ
bheje detā hai unheñ 'ishq matā'-e-dil-o-jāñ
ek sarkār luTī jaatī hai sauġhātoñ meñ
dil kuchh āgāh to ho sheva-e-ayyārī se
is liye aap ham aate haiñ tirī ghātoñ meñ
vasl kaisā vo kisī tarah bahalte hī na the
shaam se sub.h huī un kī mudārātoñ meñ
vo gaye din jo rahe yaad butoñ kī ai 'dāġh'
raat bhar ab to guzartī hai munājātoñ meñ
راہ پر ان کو لگا لائے تو ہیں باتوں میں
اور کھل جائیں گے دو چار ملاقاتوں میں
یہ بھی تم جانتے ہو چند ملاقاتوں میں
آزمایا ہے تمہیں ہم نے کئی باتوں میں
غیر کے سر کی بلائیں جو نہیں لیں ظالم
کیا مرے قتل کو بھی جان نہیں ہاتھوں میں
ابر رحمت ہی برستا نظر آیا زاہد
خاک اڑتی کبھی دیکھی نہ خراباتوں میں
یا رب اس چاند کے ٹکڑے کو کہاں سے لاؤں
روشنی جس کی ہو ان تاروں بھری راتوں میں
تمہیں انصاف سے اے حضرت ناصح کہہ دو
لطف ان باتوں میں آتا ہے کہ ان باتوں میں
دوڑ کر دست دعا ساتھ دعا کے جاتے
ہائے پیدا نہ ہوئے پاؤں مرے ہاتھوں میں
جلوۂ یار سے جب بزم میں غش آیا ہے
تو رقیبوں نے سنبھالا ہے مجھے ہاتھوں میں
ایسی تقریر سنی تھی نہ کبھی شوخ و شریر
تیری آنکھوں کے بھی فتنے ہیں تری باتوں میں
ہم سے انکار ہوا غیر سے اقرار ہوا
فیصلہ خوب کیا آپ نے دو باتوں میں
ہفت افلاک ہیں لیکن نہیں کھلتا یہ حجاب
کون سا دشمن عشاق ہیں ان ساتوں میں
اور سنتے ابھی رندوں سے جناب واعظ
چل دئے آپ تو دو چار صلٰواتوں میں
ہم نے دیکھا انہیں لوگوں کو ترا دم بھرتے
جن کی شہرت تھی یہ ہرگز نہیں ان باتوں میں
بھیجے دیتا ہے انہیں عشق متاع دل و جاں
ایک سرکار لٹی جاتی ہے سوغاتوں میں
دل کچھ آگاہ تو ہو شیوۂ عیاری سے
اس لئے آپ ہم آتے ہیں تری گھاتوں میں
وصل کیسا وہ کسی طرح بہلتے ہی نہ تھے
شام سے صبح ہوئی ان کی مداراتوں میں
وہ گئے دن جو رہے یاد بتوں کی اے داغؔ
رات بھر اب تو گزرتی ہے مناجاتوں میں