क़ुसूर सब है ये ना-मो'तबर अलामत का
उलझ के रह गया मफ़्हूम ही इबारत का
तुम्हारे सामने मंज़र कहाँ क़यामत का
अज़ाब सहते कभी काश तुम भी हिजरत का
क़लम के साथ ज़बाँ भी तराश लो मेरी
ये इम्तिहान भी ले लो मिरी सदाक़त का
कोई सुनाए तो आ कर हदीस-ए-शब-ज़दगाँ
अभी बुझा नहीं शो'ला मिरी समाअ'त का
मिरी हयात की वुसअ'त पे हो गया है मुहीत
वो एक पल जो अमीं है तिरी रिफ़ाक़त का
है एक दाना-ए-गंदुम की फ़ित्ना-सामानी
यही है नुक्ता-ए-आग़ाज़ अपनी हिजरत का
तबाहियों पे 'क़मर' चुप हैं लोग बस्ती के
है इंतिज़ार अभी शायद किसी करामत का
qusūr sab hai ye nā-mo'tabar alāmat kā
ulajh ke rah gayā mafhūm hī ibārat kā
tumhāre sāmne manzar kahāñ qayāmat kā
azaab sahte kabhī kaash tum bhī hijrat kā
qalam ke saath zabāñ bhī tarāsh lo merī
ye imtihān bhī le lo mirī sadāqat kā
koī sunā.e to aa kar hadīs-e-shab-zadagāñ
abhī bujhā nahīñ sho.ala mirī samā.at kā
mirī hayāt kī vus.at pe ho gayā hai muhīt
vo ek pal jo amiiñ hai tirī rifāqat kā
hai ek dāna-e-gandum kī fitna-sāmānī
yahī hai nukta-e-āġhāz apnī hijrat kā
tabāhiyoñ pe 'qamar' chup haiñ log bastī ke
hai intizār abhī shāyad kisī karāmat kā
قصور سب ہے یہ نا معتبر علامت کا
الجھ کے رہ گیا مفہوم ہی عبارت کا
تمہارے سامنے منظر کہاں قیامت کا
عذاب سہتے کبھی کاش تم بھی ہجرت کا
قلم کے ساتھ زباں بھی تراش لو میری
یہ امتحان بھی لے لو مری صداقت کا
کوئی سنائے تو آ کر حدیث شب زدگاں
ابھی بجھا نہیں شعلہ مری سماعت کا
مری حیات کی وسعت پہ ہو گیا ہے محیط
وہ ایک پل جو امیں ہے تری رفاقت کا
ہے ایک دانۂ گندم کی فتنہ سامانی
یہی ہے نکتۂ آغاز اپنی ہجرت کا
تباہیوں پہ قمرؔ چپ ہیں لوگ بستی کے
ہے انتظار ابھی شاید کسی کرامت کا