कभी हँसे कभी आँसू बहाए तन्हाई
हज़ार तरह मुझे आज़माए तन्हाई
न मैं उसे न मुझे छोड़ पाए तन्हाई
जहाँ भी जाऊँ मिरे साथ जाए तन्हाई
किसे पुकारिए आवाज़ दीजिए किस को
यहाँ कोई भी नहीं है सिवाए तन्हाई
रिफ़ाक़त उस की हमारी बहुत पुरानी है
ये कौन उस से कहे घर से जाए तन्हाई
हज़ार चाहा कि ख़ुद से मिलूँ अकेले में
मगर हुई न जुदा मुझ से हाए तन्हाई
उदास छत दर-ओ-दीवार चुप फ़ज़ा ख़ामोश
अगर किताबें न हों काट खाए तन्हाई
कभी जो प्यास के काँटे मिरी ज़बाँ पे चुभें
हज़ार क़हक़हे मुझ पर लगाए तन्हाई
'क़मर' ये साथ कोई पाँच दस बरस का नहीं
तमाम 'उम्र चली साए साए तन्हाई
kabhī hañse kabhī aañsū bahā.e tanhā.ī
hazār tarh mujhe āzmā.e tanhā.ī
na maiñ use na mujhe chhoḌ paa.e tanhā.ī
jahāñ bhī jā.ūñ mire saath jaa.e tanhā.ī
kise pukāriye āvāz dījiye kis ko
yahāñ koī bhī nahīñ hai sivā.e tanhā.ī
rifāqat us kī hamārī bahut purānī hai
ye kaun us se kahe ghar se jaa.e tanhā.ī
hazār chāhā ki ḳhud se milūñ akele meñ
magar huī na judā mujh se haa.e tanhā.ī
udaas chhat dar-o-dīvār chup fazā ḳhāmosh
agar kitābeñ na hoñ kaaT khaa.e tanhā.ī
kabhī jo pyaas ke kāñTe mirī zabāñ pe chubheñ
hazār qahqahe mujh par lagā.e tanhā.ī
'qamar' ye saath koī pāñch das baras kā nahīñ
tamām 'umr chalī saa.e saa.e tanhā.ī
کبھی ہنسے کبھی آنسو بہائے تنہائی
ہزار طرح مجھے آزمائے تنہائی
نہ میں اسے نہ مجھے چھوڑ پائے تنہائی
جہاں بھی جاؤں مرے ساتھ جائے تنہائی
کسے پکاریے آواز دیجئے کس کو
یہاں کوئی بھی نہیں ہے سوائے تنہائی
رفاقت اس کی ہماری بہت پرانی ہے
یہ کون اس سے کہے گھر سے جائے تنہائی
ہزار چاہا کہ خود سے ملوں اکیلے میں
مگر ہوئی نہ جدا مجھ سے ہائے تنہائی
اداس چھت در و دیوار چپ فضا خاموش
اگر کتابیں نہ ہوں کاٹ کھائے تنہائی
کبھی جو پیاس کے کانٹے مری زباں پہ چبھیں
ہزار قہقہے مجھ پر لگائے تنہائی
قمرؔ یہ ساتھ کوئی پانچ دس برس کا نہیں
تمام عمر چلی سائے سائے تنہائی