क़रीब कुछ न मिला दूर से धुआँ देखा
क़फ़स से छूट के क्या ख़ूब आशियाँ देखा
यही है सैर फ़क़ीरों की और यही फ़रियाद
ज़मीं पे बैठ गए सू-ए-आसमाँ देखा
हुए तमाम जो सज्दे थे दूर के आदाब
यहाँ से और है आलम कि आस्ताँ देखा
हिसार खींच के अपने ही दिल का बैठ रहे
ज़माने-भर को मोहब्बत से बद-गुमाँ देखा
चमन चमन तिरी सैरें नज़र बहार बहार
चटक चटक पड़े ग़ुंचे जहाँ जहाँ देखा
हरीम-ए-नाज़ पे वो रंग-ओ-नूर की बारिश
हरीम-ए-नाज़ में क्या था ये फिर कहाँ देखा
'रज़ा' ने दिल को सजा कर तिरे तसव्वुर से
जहान-ए-हुस्न में इक हुस्न-ए-दो-जहाँ देखा
qarīb kuchh na milā duur se dhuāñ dekhā
qafas se chhūT ke kyā ḳhuub āshiyāñ dekhā
yahī hai sair faqīroñ kī aur yahī fariyād
zamīñ pe baiTh ga.e sū-e-āsmāñ dekhā
hue tamām jo sajde the duur ke ādāb
yahāñ se aur hai aalam ki āstāñ dekhā
hisār khīñch ke apne hī dil kā baiTh rahe
zamāne-bhar ko mohabbat se bad-gumāñ dekhā
chaman chaman tirī saireñ nazar bahār bahār
chaTak chaTak paḌe ġhunche jahāñ jahāñ dekhā
harīm-e-nāz pe vo rang-o-nūr kī bārish
harīm-e-nāz meñ kyā thā ye phir kahāñ dekhā
'razā' ne dil ko sajā kar tire tasavvur se
jahān-e-husn meñ ik husn-e-do-jahāñ dekhā
قریب کچھ نہ ملا دور سے دھواں دیکھا
قفس سے چھوٹ کے کیا خوب آشیاں دیکھا
یہی ہے سیر فقیروں کی اور یہی فریاد
زمیں پہ بیٹھ گئے سوئے آسماں دیکھا
ہوئے تمام جو سجدے تھے دور کے آداب
یہاں سے اور ہے عالم کہ آستاں دیکھا
حصار کھینچ کے اپنے ہی دل کا بیٹھ رہے
زمانے بھر کو محبت سے بد گماں دیکھا
چمن چمن تری سیریں نظر بہار بہار
چٹک چٹک پڑے غنچے جہاں جہاں دیکھا
حریم ناز پہ وہ رنگ و نور کی بارش
حریم ناز میں کیا تھا یہ پھر کہاں دیکھا
رضاؔ نے دل کو سجا کر ترے تصور سے
جہان حسن میں اک حسن دو جہاں دیکھا