क़दम बढ़ाने से पहले ये देखना भी है
सफ़र के रंज उठाने का हौसला भी है
जहाँ ग़ुरूब हुई हैं पुरानी आवाज़ें
वहाँ उभरती हुई इक नई सदा भी है
नहीं ये फ़िक्र कि इक भीड़ है हरीफ़ों की
कोई तो शख़्स यहाँ मेरा हम-नवा भी है
अज़िय्यतों से भी हम को गुज़रते रहना है
हर एक मोड़ पे ख़ुद को सँभालना भी है
नहीं है इतना भी एहसास संग-बारों को
कि उन के सामने दिल जैसा आइना भी है
जिन्हों ने शहर को लूटा है उन से कोई कहे
कि बा'ज़ लोगों के तन पर अभी क़बा भी है
जदीद होने का दा'वा मुझे नहीं 'मंज़र'
कि मेरे साथ रिवायत का सिलसिला भी है
qadam baḌhāne se pahle ye dekhnā bhī hai
safar ke ranj uThāne kā hausla bhī hai
jahāñ ġhurūb huī haiñ purānī āvāzeñ
vahāñ ubhartī huī ik na.ī sadā bhī hai
nahīñ ye fikr ki ik bhiiḌ hai harīfoñ kī
koī to shaḳhs yahāñ merā ham-navā bhī hai
aziyyatoñ se bhī ham ko guzarte rahnā hai
har ek moḌ pe ḳhud ko sañbhālnā bhī hai
nahīñ hai itnā bhī ehsās sang-bāroñ ko
ki un ke sāmne dil jaisā aa.ina bhī hai
jinhoñ ne shahr ko luuTā hai un se koī kahe
ki baa'z logoñ ke tan par abhī qabā bhī hai
jadīd hone kā dā'vā mujhe nahīñ 'manzar'
ki mere saath rivāyat kā silsila bhī hai
قدم بڑھانے سے پہلے یہ دیکھنا بھی ہے
سفر کے رنج اٹھانے کا حوصلہ بھی ہے
جہاں غروب ہوئی ہیں پرانی آوازیں
وہاں ابھرتی ہوئی اک نئی صدا بھی ہے
نہیں یہ فکر کہ اک بھیڑ ہے حریفوں کی
کوئی تو شخص یہاں میرا ہم نوا بھی ہے
اذیتوں سے بھی ہم کو گزرتے رہنا ہے
ہر ایک موڑ پہ خود کو سنبھالنا بھی ہے
نہیں ہے اتنا بھی احساس سنگ باروں کو
کہ ان کے سامنے دل جیسا آئنہ بھی ہے
جنہوں نے شہر کو لوٹا ہے ان سے کوئی کہے
کہ بعض لوگوں کے تن پر ابھی قبا بھی ہے
جدید ہونے کا دعویٰ مجھے نہیں منظرؔ
کہ میرے ساتھ روایت کا سلسلہ بھی ہے