क़ासिद ख़िलाफ़-ए-ख़त कहीं तेरा बयाँ न हो
करना सँभल के बात कि वो बद-गुमाँ न हो
नालों का मेरे आठ-पहर इम्तिहाँ न हो
डरते नहीं कि एक ज़मीं आसमाँ न हो
तोहमत हो भूल-चूक की पैग़ाम्बर के सर
शिकवों का लुत्फ़ क्या जो कोई दरमियाँ न हो
नालों से लड़ रही है सदा-ए-जरस जो आज
गुम-कर्दा-राह कोई पस-ए-कारवाँ न हो
सौ सुन के एक भी न कहें हम बजा दुरुस्त
उस से ये कहिए आए कि जिस के ज़बाँ न हो
अब तक वो याद हैं मिरी अगली इनायतें
बस बस हमारे हाल पे तू मेहरबाँ न हो
छूटी तिरी गली तो ये मुझ को यक़ीं हुआ
जन्नत है वो जहाँ सितम-ए-आसमाँ न हो
करते हैं एक एक से मेरी शिकायतें
सिर्फ़ इस ख़याल से कि कोई बद-गुमाँ न हो
ये क्या कि सर चढ़ा के नज़र से गिरा दिया
अब मेहरबाँ हुए हो तो ना-मेहरबाँ न हो
दिल को कहाँ है सदमा-ए-रश्क-ए-अदु की ताब
सौ इम्तिहाँ हैं और ये इक इम्तिहाँ न हो
मरना फड़क फड़क के गवारा सही मगर
इतना तो हो क़फ़स में ग़म-ए-आशियाँ न हो
का'बे में बुत-कदे में ख़राबात में रहे
इंसाँ वो है कहीं जो किसी पर गराँ न हो
अपनी भी सर-गुज़श्त है इक-तरफ़ा दास्ताँ
बरसों सुनो तो निस्फ़ ये क़िस्सा बयाँ न हो
दिल से है दिल को राह ये सच है अगर 'हफ़ीज़'
मुमकिन नहीं ख़याल यहाँ हो वहाँ न हो
qāsid ḳhilāf-e-ḳhat kahīñ terā bayāñ na ho
karnā sambhal ke baat ki vo bad-gumāñ na ho
nāloñ kā mere āTh-pahr imtihāñ na ho
Darte nahīñ ki ek zamīñ āsmāñ na ho
tohmat ho bhūl-chūk kī paiġhāmbar ke sar
shikvoñ kā lutf kyā jo koī darmiyāñ na ho
nāloñ se laḌ rahī hai sadā-e-jaras jo aaj
gum-karda-rāh koī pas-e-kārvāñ na ho
sau sun ke ek bhī na kaheñ ham bajā durust
us se ye kahiye aa.e ki jis ke zabāñ na ho
ab tak vo yaad haiñ mirī aglī ināyateñ
bas bas hamāre haal pe tū mehrbāñ na ho
chhūTī tirī galī to ye mujh ko yaqīñ huā
jannat hai vo jahāñ sitam-e-āsmāñ na ho
karte haiñ ek ek se merī shikāyateñ
sirf is ḳhayāl se ki koī bad-gumāñ na ho
ye kyā ki sar chaḌhā ke nazar se girā diyā
ab mehrbāñ hue ho to nā-mehrbāñ na ho
dil ko kahāñ hai sadma-e-rashk-e-adū kī taab
sau imtihāñ haiñ aur ye ik imtihāñ na ho
marnā phaḌak phaḌak ke gavārā sahī magar
itnā to ho qafas meñ ġham-e-āshiyāñ na ho
ka.abe meñ but-kade meñ ḳharābāt meñ rahe
insāñ vo hai kahīñ jo kisī par garāñ na ho
apnī bhī sar-guzasht hai ik-tarfa dāstāñ
barsoñ suno to nisf ye qissa bayāñ na ho
dil se hai dil ko raah ye sach hai agar 'hafīz'
mumkin nahīñ ḳhayāl yahāñ ho vahāñ na ho
قاصد خلاف خط کہیں تیرا بیاں نہ ہو
کرنا سنبھل کے بات کہ وہ بد گماں نہ ہو
نالوں کا میرے آٹھ پہر امتحاں نہ ہو
ڈرتے نہیں کہ ایک زمیں آسماں نہ ہو
تہمت ہو بھول چوک کی پیغامبر کے سر
شکوؤں کا لطف کیا جو کوئی درمیاں نہ ہو
نالوں سے لڑ رہی ہے صدائے جرس جو آج
گم کردہ راہ کوئی پس کارواں نہ ہو
سو سن کے ایک بھی نہ کہیں ہم بجا درست
اس سے یہ کہیے آئے کہ جس کے زباں نہ ہو
اب تک وہ یاد ہیں مری اگلی عنایتیں
بس بس ہمارے حال پہ تو مہرباں نہ ہو
چھوٹی تری گلی تو یہ مجھ کو یقیں ہوا
جنت ہے وہ جہاں ستم آسماں نہ ہو
کرتے ہیں ایک ایک سے میری شکایتیں
صرف اس خیال سے کہ کوئی بد گماں نہ ہو
یہ کیا کہ سر چڑھا کے نظر سے گرا دیا
اب مہرباں ہوئے ہو تو نا مہرباں نہ ہو
دل کو کہاں ہے صدمۂ رشک عدو کی تاب
سو امتحاں ہیں اور یہ اک امتحاں نہ ہو
مرنا پھڑک پھڑک کے گوارا سہی مگر
اتنا تو ہو قفس میں غم آشیاں نہ ہو
کعبے میں بت کدے میں خرابات میں رہے
انساں وہ ہے کہیں جو کسی پر گراں نہ ہو
اپنی بھی سر گذشت ہے اک طرفہ داستاں
برسوں سنو تو نصف یہ قصہ بیاں نہ ہو
دل سے ہے دل کو راہ یہ سچ ہے اگر حفیظؔ
ممکن نہیں خیال یہاں ہو وہاں نہ ہو