पिंदार की वीरान-सरा में नहीं रहते
हम ख़ाक पे रहते हैं ख़ला में नहीं रहते
क़ामत भी हमारी है लबादा भी हमारा
माँगी हुई दस्तार-ओ-क़बा में नहीं रहते
हम कशमकश-ए-दहर के पाले हुए इंसान
हम गिर्या-कुनाँ कर्ब-ओ-बला में नहीं रहते
ख़ाशाक-ए-ज़माना हैं नहीं ख़ौफ़ हमें कोई
आँधी से डरें वो जो हवा में नहीं रहते
हम छोड़ भी देते हैं खुला तौसन-ए-दिल को
थामे हुए हर वक़्त लगामें नहीं रहते
रूहों में उतर जाते हैं तेज़ाब की सूरत
लफ़्ज़ों में घुले ज़हर सदा में नहीं रहते
एहसास के मौसम कभी हो जाएँ जो बे-रंग
ख़ुशबू के हुनर दस्त-ए-सबा में नहीं रहते
ऊँचा न उड़ो अपनी ज़रूरत से ज़ियादा
थक जाएँ परिंदे तो फ़ज़ा में नहीं रहते
दस्तार बने जाते हैं अब शहर-ए-तलब में
कश्कोल कि अब दस्त-ए-गदा में नहीं रहते
इस ख़ाना-बदोशी में ख़ुदा लाए न वो दिन
जब बिछड़े हुए यार दु'आ में नहीं रहते
pindār kī vīrān-sarā meñ nahīñ rahte
ham ḳhaak pe rahte haiñ ḳhalā meñ nahīñ rahte
qāmat bhī hamārī hai labāda bhī hamārā
māñgī huī dastār-o-qabā meñ nahīñ rahte
ham kashmakash-e-dahr ke paale hue insān
ham girya-kunāñ karb-o-balā meñ nahīñ rahte
ḳhāshāk-e-zamāna haiñ nahīñ ḳhauf hameñ koī
āñdhī se Dareñ vo jo havā meñ nahīñ rahte
ham chhoḌ bhī dete haiñ khulā tausan-e-dil ko
thāme hue har vaqt lagāmeñ nahīñ rahte
rūhoñ meñ utar jaate haiñ tezāb kī sūrat
lafzoñ meñ ghule zahr sadā meñ nahīñ rahte
ehsās ke mausam kabhī ho jaa.eñ jo be-rang
ḳhushbū ke hunar dast-e-sabā meñ nahīñ rahte
ūñchā na uḌo apnī zarūrat se ziyāda
thak jaa.eñ parinde to fazā meñ nahīñ rahte
dastār bane jaate haiñ ab shahr-e-talab meñ
kashkol ki ab dast-e-gadā meñ nahīñ rahte
is ḳhāna-badoshī meñ ḳhudā laa.e na vo din
jab bichhḌe hue yaar du'ā meñ nahīñ rahte
پندار کی ویران سرا میں نہیں رہتے
ہم خاک پہ رہتے ہیں خلا میں نہیں رہتے
قامت بھی ہماری ہے لبادہ بھی ہمارا
مانگی ہوئی دستار و قبا میں نہیں رہتے
ہم کشمکش دہر کے پالے ہوئے انسان
ہم گریہ کناں کرب و بلا میں نہیں رہتے
خاشاک زمانہ ہیں نہیں خوف ہمیں کوئی
آندھی سے ڈریں وہ جو ہوا میں نہیں رہتے
ہم چھوڑ بھی دیتے ہیں کھلا توسن دل کو
تھامے ہوئے ہر وقت لگامیں نہیں رہتے
روحوں میں اتر جاتے ہیں تیزاب کی صورت
لفظوں میں گھلے زہر صدا میں نہیں رہتے
احساس کے موسم کبھی ہو جائیں جو بے رنگ
خوشبو کے ہنر دست صبا میں نہیں رہتے
اونچا نہ اڑو اپنی ضرورت سے زیادہ
تھک جائیں پرندے تو فضا میں نہیں رہتے
دستار بنے جاتے ہیں اب شہر طلب میں
کشکول کہ اب دست گدا میں نہیں رہتے
اس خانہ بدوشی میں خدا لائے نہ وہ دن
جب بچھڑے ہوئے یار دعا میں نہیں رہتے