पत्थर से न मारो मुझे दीवाना समझ कर
आया हूँ इधर कूचा-ए-जानाना समझ कर
कहते हैं ये रोने से लगी दिल की बुझेगी
समझाते हैं अपना मुझे परवाना समझ कर
मैं वो हूँ कि सेरी मुझे होती नहीं मय से
देना मिरे साक़ी मुझे पैमाना समझ कर
नख़वत से जो इक बात न सुनते थे हमारी
ख़ुद छेड़ रहे हैं हमें दीवाना समझ कर
हम उन के हैं दिल उन का है जाँ उन की है लेकिन
फिर मुँह को छुपाते हैं वो बेगाना समझ कर
रक्खा न कहीं का हमें बर्बादी-ए-दिल ने
अरमान ठहरते नहीं वीराना समझ कर
देख आप से बाहर न हो मंसूर की सूरत
करना है तो कर नारा-ए-मस्ताना समझ कर
हम और ही कुछ ढूँडते फिरते हैं बुतों में
बुत-ख़ाने में जाते नहीं बुत-ख़ाना समझ कर
ख़ूबाँ से पटे या न पटे वस्ल का सौदा
दिल पहले ही ले लेते हैं बैआना समझ कर
साक़ी की जो आँखों को हुई बज़्म में गर्दिश
हम लौट गए गर्दिश-ए-पैमाना समझ कर
कह जाते 'हफ़ीज़' उन को हो तुम जोश में क्या कुछ
वो तरह दिए जाते हैं दीवाना समझ कर
patthar se na maaro mujhe dīvāna samajh kar
aayā huuñ idhar kūcha-e-jānāna samajh kar
kahte haiñ ye rone se lagī dil kī bujhegī
samjhāte haiñ apnā mujhe parvāna samajh kar
maiñ vo huuñ ki serī mujhe hotī nahīñ mai se
denā mire saaqī mujhe paimāna samajh kar
naḳhvat se jo ik baat na sunte the hamārī
ḳhud chheḌ rahe haiñ hameñ dīvāna samajh kar
ham un ke haiñ dil un kā hai jaañ un kī hai lekin
phir muñh ko chhupāte haiñ vo begāna samajh kar
rakkhā na kahīñ kā hameñ barbādi-e-dil ne
armān Thaharte nahīñ vīrāna samajh kar
dekh aap se bāhar na ho mansūr kī sūrat
karnā hai to kar nāra-e-mastāna samajh kar
ham aur hī kuchh DhūñDte phirte haiñ butoñ meñ
but-ḳhāne meñ jaate nahīñ but-ḳhāna samajh kar
ḳhūbāñ se paTe yā na paTe vasl kā saudā
dil pahle hī le lete haiñ bai.āna samajh kar
saaqī kī jo āñkhoñ ko huī bazm meñ gardish
ham lauT ga.e gardish-e-paimāna samajh kar
kah jaate 'hafīz' un ko ho tum josh meñ kyā kuchh
vo tarah diye jaate haiñ dīvāna samajh kar
پتھر سے نہ مارو مجھے دیوانہ سمجھ کر
آیا ہوں ادھر کوچۂ جانانہ سمجھ کر
کہتے ہیں یہ رونے سے لگی دل کی بجھے گی
سمجھاتے ہیں اپنا مجھے پروانہ سمجھ کر
میں وہ ہوں کہ سیری مجھے ہوتی نہیں مے سے
دینا مرے ساقی مجھے پیمانہ سمجھ کر
نخوت سے جو اک بات نہ سنتے تھے ہماری
خود چھیڑ رہے ہیں ہمیں دیوانہ سمجھ کر
ہم ان کے ہیں دل ان کا ہے جاں ان کی ہے لیکن
پھر منہ کو چھپاتے ہیں وہ بیگانہ سمجھ کر
رکھا نہ کہیں کا ہمیں بربادئ دل نے
ارمان ٹھہرتے نہیں ویرانہ سمجھ کر
دیکھ آپ سے باہر نہ ہو منصور کی صورت
کرنا ہے تو کر نعرۂ مستانہ سمجھ کر
ہم اور ہی کچھ ڈھونڈتے پھرتے ہیں بتوں میں
بت خانے میں جاتے نہیں بت خانہ سمجھ کر
خوباں سے پٹے یا نہ پٹے وصل کا سودا
دل پہلے ہی لے لیتے ہیں بیعانہ سمجھ کر
ساقی کی جو آنکھوں کو ہوئی بزم میں گردش
ہم لوٹ گئے گردش پیمانہ سمجھ کر
کہہ جاتے حفیظؔ ان کو ہو تم جوش میں کیا کچھ
وہ طرح دیے جاتے ہیں دیوانہ سمجھ کر