पत्थर पे भी ख़ाका तिरा खींचा नहीं जाता
बुत भी तिरी सूरत का तराशा नहीं जाता
बे-लाग नज़र से तुझे देखा नहीं जाता
अंदाज़-ए-नज़र अपना छुपाया नहीं जाता
कर भूल के तू उस से न ज़िक्र अपनी वफ़ा का
महबूब को एहसान जताया नहीं जाता
बाज़ आते नहीं ज़ुल्म-ओ-सितम करने से फिर भी
कहते हैं तड़पना तिरा देखा नहीं जाता
जाँ साथ लिए जाऊँगा कहता है ग़म-ए-इश्क़
आया हूँ अकेला मैं अकेला नहीं जाता
गो वो है जफ़ा-केश जफ़ा-साज़ जफ़ा-गर
सूरत से मगर उस की ये पाया नहीं जाता
मजबूर-ए-मोहब्बत को सँभालेंगे कहाँ हम
दिल अपना ख़ुद अपने से सँभाला नहीं जाता
ग़ाएब हुए वो जब से जमाल अपना दिखा कर
आँखों में जो आया है अंधेरा नहीं जाता
दुश्वार नहीं कोह-ए-अलम सर पे उठाना
ज़िल्लत का मगर बार उठाया नहीं जाता
ऐ 'क़द्र' नज़र दीद से ऐसी हुई ख़ीरा
जल्वे का तसव्वुर भी जमाया नहीं जाता
patthar pe bhī ḳhāka tirā khīñchā nahīñ jaatā
but bhī tirī sūrat kā tarāshā nahīñ jaatā
be-lāg nazar se tujhe dekhā nahīñ jaatā
andāz-e-nazar apnā chhupāyā nahīñ jaatā
kar bhuul ke tū us se na zikr apnī vafā kā
mahbūb ko ehsān jatāyā nahīñ jaatā
baaz aate nahīñ zulm-o-sitam karne se phir bhī
kahte haiñ taḌapnā tirā dekhā nahīñ jaatā
jaañ saath liye jā.ūñgā kahtā hai ġham-e-ishq
aaya huuñ akelā maiñ akelā nahīñ jaatā
go vo hai jafā-kesh jafā-sāz jafā-gar
sūrat se magar us kī ye paayā nahīñ jaatā
majbūr-e-mohabbat ko sañbhāleñge kahāñ ham
dil apnā ḳhud apne se sañbhālā nahīñ jaatā
ġhā.eb hue vo jab se jamāl apnā dikhā kar
āñkhoñ meñ jo aaya hai añdherā nahīñ jaatā
dushvār nahīñ koh-e-alam sar pe uThānā
zillat kā magar baar uThāyā nahīñ jaatā
ai 'qadr' nazar diid se aisī huī ḳhīra
jalve kā tasavvur bhī jamāyā nahīñ jaatā
پتھر پہ بھی خاکہ ترا کھینچا نہیں جاتا
بت بھی تری صورت کا تراشا نہیں جاتا
بے لاگ نظر سے تجھے دیکھا نہیں جاتا
انداز نظر اپنا چھپایا نہیں جاتا
کر بھول کے تو اس سے نہ ذکر اپنی وفا کا
محبوب کو احسان جتایا نہیں جاتا
باز آتے نہیں ظلم و ستم کرنے سے پھر بھی
کہتے ہیں تڑپنا ترا دیکھا نہیں جاتا
جاں ساتھ لیے جاؤں گا کہتا ہے غم عشق
آیا ہوں اکیلا میں اکیلا نہیں جاتا
گو وہ ہے جفا کیش جفا ساز جفا گر
صورت سے مگر اس کی یہ پایا نہیں جاتا
مجبور محبت کو سنبھالیں گے کہاں ہم
دل اپنا خود اپنے سے سنبھالا نہیں جاتا
غائب ہوئے وہ جب سے جمال اپنا دکھا کر
آنکھوں میں جو آیا ہے اندھیرا نہیں جاتا
دشوار نہیں کوہ الم سر پہ اٹھانا
ذلت کا مگر بار اٹھایا نہیں جاتا
اے قدرؔ نظر دید سے ایسی ہوئی خیرہ
جلوے کا تصور بھی جمایا نہیں جاتا