इस पे धब्बा न लगा नाम को रुस्वाई का
आज तक पाक है दामन मिरी बीनाई का
याद है किस को सबब उस की शनासाई का
वो भी इक होगा करिश्मा इसी बीनाई का
गर्मी-ए-ज़ौक़-ए-नज़ारा से नहीं अश्क रवाँ
अस्ल में है ये पसीना मिरी बीनाई का
ठोकरों से मिरी नज़रों को इलाही तू बचा
अब क़दम बढ़ने लगा है मिरी बीनाई का
होंगे तय बा'द तक़र्रुब के मराहिल सारे
देख लेना ही बड़ा काम है बीनाई का
इस में हर वक़्त भरी रहती है नज़रों की शराब
आँख पैमाना है मय-ख़ाना-ए-बीनाई का
आ गई चश्म-ए-करम हज़रत-ए-ज़ीरक की जो याद
'क़द्र' ने क़ैद किया क़ाफ़िया बीनाई का
is pe dhabba na lagā naam ko rusvā.ī kā
aaj tak paak hai dāman mirī bīnā.ī kā
yaad hai kis ko sabab us kī shanāsā.ī kā
vo bhī ik hogā karishma isī bīnā.ī kā
garmī-e-zauq-e-nazāra se nahīñ ashk ravāñ
asl meñ hai ye pasīna mirī bīnā.ī kā
Thokaroñ se mirī nazroñ ko ilāhī tū bachā
ab qadam baḌhne lagā hai mirī bīnā.ī kā
hoñge tai baa'd taqarrub ke marāhil saare
dekh lenā hī baḌā kaam hai bīnā.ī kā
is meñ har vaqt bharī rahtī hai nazroñ kī sharāb
aañkh paimāna hai mai-ḳhāna-e-bīnā.ī kā
aa ga.ī chashm-e-karam hazrat-e-zīrak kī jo yaad
'qadr' ne qaid kiyā qāfiya bīnā.ī kā
اس پہ دھبہ نہ لگا نام کو رسوائی کا
آج تک پاک ہے دامن مری بینائی کا
یاد ہے کس کو سبب اس کی شناسائی کا
وہ بھی اک ہوگا کرشمہ اسی بینائی کا
گرمیٔ ذوق نظارہ سے نہیں اشک رواں
اصل میں ہے یہ پسینہ مری بینائی کا
ٹھوکروں سے مری نظروں کو الٰہی تو بچا
اب قدم بڑھنے لگا ہے مری بینائی کا
ہوں گے طے بعد تقرب کے مراحل سارے
دیکھ لینا ہی بڑا کام ہے بینائی کا
اس میں ہر وقت بھری رہتی ہے نظروں کی شراب
آنکھ پیمانہ ہے مے خانۂ بینائی کا
آ گئی چشم کرم حضرت زیرک کی جو یاد
قدرؔ نے قید کیا قافیہ بینائی کا