जो चश्म-ए-शौक़ की हालत से आश्कार न था
वो इंतिज़ार ब-'उनवान-ए-इंतिज़ार न था
ये और क्या था किसी का जो इंतिज़ार न था
नज़र को चैन न था क़ल्ब को क़रार न था
‘उरूज-ए-इश्क़ में थीं बद-गुमानियाँ ऐसी
किसी का ज़िक्र ही क्या अपना ए'तिबार न था
तिरे ख़याल की नैरंगियों का था ये असर
कभी क़रार था दिल को कभी क़रार न था
मुझे वहाँ के नज़ारे का हाल क्या मा'लूम
जहाँ निगाह उठाने का इख़्तियार न था
न आए वो मुझे था जिन का इंतिज़ार शदीद
क़यामत आई क़यामत का इंतिज़ार न था
क़रार उस की जुदाई में किस तरह आता
ख़याल जब किसी मरकज़ पे बरक़रार न था
जो ए'तिबार दिलाया था आप ने मुझ को
वो ए'तिबार का धोका था ए'तिबार न था
जब उस के सामने पहुँचा हूँ मैं नहीं मा'लूम
क़रार था मुझे उस वक़्त या क़रार न था
उड़ाए थे तिरे जल्वे ने जिस के होश-ओ-हवास
वो होशियार हुआ भी तो होशियार न था
जमाल-ए-यार का 'ऐन-उल-यक़ीन था लेकिन
मिरी नज़र का मिरे दिल को ए'तिबार न था
हमारे दिल का तलव्वुन अरे मआज़-अल्लाह
निज़ाम-ए-फ़िक्र बहर-हाल बरक़रार न था
वो किस मक़ाम पे था तेरा नक़्श-ए-पा ऐसा
जो मेरे सज्दा-ए-उल्फ़त की यादगार न था
मैं क्या बताऊँ उन्हें 'क़द्र' जो ये पूछते हैं
भर आईं किस लिए आँखें जो दिल पे बार न था
jo chashm-e-shauq kī hālat se āshkār na thā
vo intizār ba-'unvān-e-intizār na thā
ye aur kyā thā kisī kā jo intizār na thā
nazar ko chain na thā qalb ko qarār na thā
‘urūj-e-ishq meñ thiiñ bad-gumāniyāñ aisī
kisī kā zikr hī kyā apnā e'tibār na thā
tire ḳhayāl kī nairangiyoñ kā thā ye asar
kabhī qarār thā dil ko kabhī qarār na thā
mujhe vahāñ ke nazāre kā haal kyā mā'lūm
jahāñ nigāh uThāne kā iḳhtiyār na thā
na aa.e vo mujhe thā jin kā intizār shadīd
qayāmat aa.ī qayāmat kā intizār na thā
qarār us kī judā.ī meñ kis tarah aatā
ḳhayāl jab kisī markaz pe barqarār na thā
jo e'tibār dilāyā thā aap ne mujh ko
vo e'tibār kā dhoka thā e'tibār na thā
jab us ke sāmne pahuñchā huuñ maiñ nahīñ mā'lūm
qarār thā mujhe us vaqt yā qarār na thā
uḌaa.e the tire jalve ne jis ke hosh-o-havās
vo hoshiyār huā bhī to hoshiyār na thā
jamāl-e-yār kā 'ain-ul-yaqīn thā lekin
mirī nazar kā mire dil ko e'tibār na thā
hamāre dil kā talavvun are ma.āz-allāh
nizām-e-fikr bahar-hāl barqarār na thā
vo kis maqām pe thā terā naqsh-e-pā aisā
jo mere sajda-e-ulfat kī yādgār na thā
maiñ kyā batā.ūñ unheñ 'qadr' jo ye pūchhte haiñ
bhar aa.iiñ kis liye āñkheñ jo dil pe baar na thā
جو چشم شوق کی حالت سے آشکار نہ تھا
وہ انتظار بہ عنوان انتظار نہ تھا
یہ اور کیا تھا کسی کا جو انتظار نہ تھا
نظر کو چین نہ تھا قلب کو قرار نہ تھا
عروج عشق میں تھیں بدگمانیاں ایسی
کسی کا ذکر ہی کیا اپنا اعتبار نہ تھا
ترے خیال کی نیرنگیوں کا تھا یہ اثر
کبھی قرار تھا دل کو کبھی قرار نہ تھا
مجھے وہاں کے نظارے کا حال کیا معلوم
جہاں نگاہ اٹھانے کا اختیار نہ تھا
نہ آئے وہ مجھے تھا جن کا انتظار شدید
قیامت آئی قیامت کا انتظار نہ تھا
قرار اس کی جدائی میں کس طرح آتا
خیال جب کسی مرکز پہ برقرار نہ تھا
جو اعتبار دلایا تھا آپ نے مجھ کو
وہ اعتبار کا دھوکہ تھا اعتبار نہ تھا
جب اس کے سامنے پہنچا ہوں میں نہیں معلوم
قرار تھا مجھے اس وقت یا قرار نہ تھا
اڑائے تھے ترے جلوے نے جس کے ہوش و حواس
وہ ہوشیار ہوا بھی تو ہوشیار نہ تھا
جمال یار کا عین الیقیں تھا لیکن
مری نظر کا مرے دل کو اعتبار نہ تھا
ہمارے دل کا تلون ارے معاذ اللہ
نظام فکر بہرحال برقرار نہ تھا
وہ کس مقام پہ تھا تیرا نقش پا ایسا
جو میرے سجدۂ الفت کی یادگار نہ تھا
میں کیا بتاؤں انہیں قدرؔ جو یہ پوچھتے ہیں
بھر آئیں کس لیے آنکھیں جو دل پہ بار نہ تھا