है आम अज़ल ही से फ़ैज़ान मोहब्बत का
इम्कान मुसल्लम है इम्कान मोहब्बत का
तोड़ा नहीं जा सकता पैमान मोहब्बत का
नुक़सान ख़ुद अपना है नुक़सान मोहब्बत का
फिर उन की निगाहों से टकराई मिरी नज़रें
फिर बढ़ने लगा दिल में तूफ़ान मोहब्बत का
एक एक तमन्ना में लाखों हैं तमन्नाएँ
अरमानों की दुनिया है अरमान मोहब्बत का
इस वास्ते मुस्लिम की फ़ितरत में मोहब्बत है
देता है सबक़ उस को क़ुरआन मोहब्बत का
बरबाद-ए-मोहब्बत की हालत है अजब हालत
है बे-सर-ओ-सामानी सामान मोहब्बत का
जज़्बात मोहब्बत के मैं लाख छुपाता हूँ
करती हैं मिरी नज़रें एलान मोहब्बत का
गोया मिरे सीने में मीज़ान-ए-मोहब्बत है
यूँ दिल में जिगर में है पैकान मोहब्बत का
वो नूर का परतव है या हुस्न का परतव है
है दीन मोहब्बत का ईमान मोहब्बत का
जो दर्द का हामिल है वो ज़ौक़ में कामिल है
बेहिस को नहीं होता ईक़ान मोहब्बत का
इज्माल ये बे-शक है तफ़्सील का आईना
मज़मून पे हावी है उन्वान मोहब्बत का
हैं उस के तसव्वुर को घेरे हुए अरमाँ सब
रहता है फ़क़ीरों में सुल्तान मोहब्बत का
आती है नज़र उस में इख़्लास की हर सूरत
आईना है आईना इंसान मोहब्बत का
नैरंग मोहब्बत का हर शेर से ज़ाहिर है
है 'क़द्र' का दीवाँ भी दीवान मोहब्बत का
hai aam azal hī se faizān mohabbat kā
imkān musallam hai imkān mohabbat kā
toḌā nahīñ jā saktā paimān mohabbat kā
nuqsān ḳhud apnā hai nuqsān mohabbat kā
phir un kī nigāhoñ se Takrā.ī mirī nazreñ
phir baḌhne lagā dil meñ tūfān mohabbat kā
ek ek tamannā meñ lākhoñ haiñ tamannā.eñ
armānoñ kī duniyā hai armān mohabbat kā
is vāste muslim kī fitrat meñ mohabbat hai
detā hai sabaq us ko qur.ān mohabbat kā
barbād-e-mohabbat kī hālat hai ajab hālat
hai be-sar-o-sāmānī sāmān mohabbat kā
jazbāt mohabbat ke maiñ laakh chhupātā huuñ
kartī haiñ mirī nazreñ elaan mohabbat kā
goyā mire siine meñ mīzān-e-mohabbat hai
yuuñ dil meñ jigar meñ hai paikān mohabbat kā
vo nuur kā partav hai yā husn kā partav hai
hai diin mohabbat kā īmān mohabbat kā
jo dard kā hāmil hai vo zauq meñ kāmil hai
behis ko nahīñ hotā īqān mohabbat kā
ijmāl ye be-shak hai tafsīl kā ā.īna
mazmūn pe haavī hai unvān mohabbat kā
haiñ us ke tasavvur ko ghere hue armāñ sab
rahtā hai faqīroñ meñ sultān mohabbat kā
aatī hai nazar us meñ iḳhlās kī har sūrat
ā.īna hai ā.īna insān mohabbat kā
nairañg mohabbat kā har sher se zāhir hai
hai 'qadr' kā dīvāñ bhī dīvān mohabbat kā
ہے عام ازل ہی سے فیضان محبت کا
امکان مسلم ہے امکان محبت کا
توڑا نہیں جا سکتا پیمان محبت کا
نقصان خود اپنا ہے نقصان محبت کا
پھر ان کی نگاہوں سے ٹکرائی مری نظریں
پھر بڑھنے لگا دل میں طوفان محبت کا
ایک ایک تمنا میں لاکھوں ہیں تمنائیں
ارمانوں کی دنیا ہے ارمان محبت کا
اس واسطے مسلم کی فطرت میں محبت ہے
دیتا ہے سبق اس کو قرآن محبت کا
برباد محبت کی حالت ہے عجب حالت
ہے بے سر و سامانی سامان محبت کا
جذبات محبت کے میں لاکھ چھپاتا ہوں
کرتی ہیں مری نظریں اعلان محبت کا
گویا مرے سینے میں میزان محبت ہے
یوں دل میں جگر میں ہے پیکان محبت کا
وہ نور کا پرتو ہے یا حسن کا پرتو ہے
ہے دین محبت کا ایمان محبت کا
جو درد کا حامل ہے وہ ذوق میں کامل ہے
بے حس کو نہیں ہوتا ایقان محبت کا
اجمال یہ بے شک ہے تفصیل کا آئینہ
مضمون پہ حاوی ہے عنوان محبت کا
ہیں اس کے تصور کو گھیرے ہوئے ارماں سب
رہتا ہے فقیروں میں سلطان محبت کا
آتی ہے نظر اس میں اخلاص کی ہر صورت
آئینہ ہے آئینہ انسان محبت کا
نیرنگ محبت کا ہر شعر سے ظاہر ہے
ہے قدرؔ کا دیواں بھی دیوان محبت کا