पहूँची न दिल की बात हुदूद-ए-पयाम तक
बाक़ी हैं उन पे कितने जवाब-ए-सलाम तक
बुत-ख़ाना-साज़ रंग-ए-ज़माना है किस क़दर
छोड़ा न उस ने का'बा-ए-आली-मक़ाम तक
मानूस हो रहे हैं तिरी जल्वा-गाह से
पहोंचे अभी हैं मंज़िल-ए-माह-ए-तमाम तक
जब तक रहे वो मेरी निगाहों के सामने
ठहरी न एक रुख़ से अदा-ए-ख़िराम तक
दिल दे के उन को आप से ऐसे गुज़र गए
जैसे कि हम थे सिर्फ़ इसी इंतिज़ाम तक
अंजाम-ए-कार शब के अंधेरे में लुट गया
रक्खा था कैफ़-ए-सुब्ह बचा कर जो शाम तक
इस तरह कर रहे हैं 'रज़ा' का वो तज़्किरा
ख़ाली नहीं है तंज़ से हुस्न-ए-कलाम तक
pahūñchī na dil kī baat hudūd-e-payām tak
baaqī haiñ un pe kitne javāb-e-salām tak
but-ḳhāna-sāz rang-e-zamāna hai kis qadar
chhoḌā na us ne kā'ba-e-ālī-maqām tak
mānūs ho rahe haiñ tirī jalva-gāh se
pahoñche abhī haiñ manzil-e-māh-e-tamām tak
jab tak rahe vo merī nigāhoñ ke sāmne
Thahrī na ek ruḳh se adā-e-ḳhirām tak
dil de ke un ko aap se aise guzar ga.e
jaise ki ham the sirf isī intizām tak
anjām-e-kār shab ke añdhere meñ luT gayā
rakkhā thā kaif-e-sub.h bachā kar jo shaam tak
is tarah kar rahe haiñ 'razā' kā vo tazkira
ḳhālī nahīñ hai tanz se husn-e-kalām tak
پہونچی نہ دل کی بات حدود پیام تک
باقی ہیں ان پہ کتنے جواب سلام تک
بت خانہ ساز رنگ زمانہ ہے کس قدر
چھوڑا نہ اس نے کعبۂ عالی مقام تک
مانوس ہو رہے ہیں تری جلوہ گاہ سے
پہونچے ابھی ہیں منزل ماہ تمام تک
جب تک رہے وہ میری نگاہوں کے سامنے
ٹھہری نہ ایک رخ سے ادائے خرام تک
دل دے کے ان کو آپ سے ایسے گزر گئے
جیسے کہ ہم تھے صرف اسی انتظام تک
انجام کار شب کے اندھیرے میں لٹ گیا
رکھا تھا کیف صبح بچا کر جو شام تک
اس طرح کر رہے ہیں رضاؔ کا وہ تذکرہ
خالی نہیں ہے طنز سے حسن کلام تک