नज़र आने लगे हो मेहरबाँ से
ये अंदाज़ आ गए तुम में कहाँ से
किसे रास आएगी तेरी ख़ुदाई
अगर हम उठ गए बज़्म-ए-जहाँ से
भरम खुल जाएगा तेरे करम का
अगर कुछ कह दिया हम ने ज़बाँ से
कहाँ से आ गया ये अब्र-ए-रहमत
हमें कुछ काम था बर्क़-ए-तपाँ से
जिसे देखो वही मतलब का बंदा
मोहब्बत उठ गई रू-ए-जहाँ से
करेंगे ज़िक्र तेरे हुस्न का भी
अगर फ़ुर्सत मिली कार-ए-जहाँ से
तड़पती फिर रही है बर्क़ अब तक
उलझ बैठी थी मेरे आशियाँ से
यूँही रोती नहीं 'साबिर' को दुनिया
उसे भी इश्क़ था अहल-ए-जहाँ से
nazar aane lage ho mehrbāñ se
ye andāz aa ga.e tum meñ kahāñ se
kise raas aa.egī terī ḳhudā.ī
agar ham uTh ga.e bazm-e-jahāñ se
bharam khul jā.egā tere karam kā
agar kuchh kah diyā ham ne zabāñ se
kahāñ se aa gayā ye abr-e-rahmat
hameñ kuchh kaam thā barq-e-tapāñ se
jise dekho vahī matlab kā banda
mohabbat uTh ga.ī rū-e-jahāñ se
kareñge zikr tere husn kā bhī
agar fursat milī kār-e-jahāñ se
taḌaptī phir rahī hai barq ab tak
ulajh baiThī thī mere āshiyāñ se
yūñhī rotī nahīñ 'sābir' ko duniyā
use bhī ishq thā ahl-e-jahāñ se
نظر آنے لگے ہو مہرباں سے
یہ انداز آ گئے تم میں کہاں سے
کسے راس آئے گی تیری خدائی
اگر ہم اٹھ گئے بزم جہاں سے
بھرم کھل جائے گا تیرے کرم کا
اگر کچھ کہہ دیا ہم نے زباں سے
کہاں سے آ گیا یہ ابر رحمت
ہمیں کچھ کام تھا برق تپاں سے
جسے دیکھو وہی مطلب کا بندہ
محبت اٹھ گئی روئے جہاں سے
کریں گے ذکر تیرے حسن کا بھی
اگر فرصت ملی کار جہاں سے
تڑپتی پھر رہی ہے برق اب تک
الجھ بیٹھی تھی میرے آشیاں سے
یوں ہی روتی نہیں صابرؔ کو دنیا
اسے بھی عشق تھا اہل جہاں سے