ना-रवा कहिए ना-सज़ा कहिए
कहिए कहिए मुझे बुरा कहिए
तुझ को बद-अहद ओ बेवफ़ा कहिए
ऐसे झूटे को और क्या कहिए
दर्द दिल का न कहिए या कहिए
जब वो पूछे मिज़ाज क्या कहिए
फिर न रुकिए जो मुद्दआ कहिए
एक के बा'द दूसरा कहिए
आप अब मेरा मुँह न खुलवाएँ
ये न कहिए कि मुद्दआ कहिए
वो मुझे क़त्ल कर के कहते हैं
मानता ही न था ये क्या कहिए
दिल में रखने की बात है ग़म-ए-इश्क़
इस को हरगिज़ न बरमला कहिए
तुझ को अच्छा कहा है किस किस ने
कहने वालों को और क्या कहिए
वो भी सुन लेंगे ये कभी न कभी
हाल-ए-दिल सब से जा-ब-जा कहिए
मुझ को कहिए बुरा न ग़ैर के साथ
जो हो कहना जुदा जुदा कहिए
इंतिहा इश्क़ की ख़ुदा जाने
दम-ए-आख़िर को इब्तिदा कहिए
मेरे मतलब से क्या ग़रज़ मतलब
आप अपना तो मुद्दआ कहिए
ऐसी कश्ती का डूबना अच्छा
कि जो दुश्मन को नाख़ुदा कहिए
सब्र फ़ुर्क़त में आ ही जाता है
पर उसे देर-आश्ना कहिए
आ गई आप को मसीहाई
मरने वालों को मर्हबा कहिए
आप का ख़ैर-ख़्वाह मेरे सिवा
है कोई और दूसरा कहिए
हाथ रख कर वो अपने कानों पर
मुझ से कहते हैं माजरा कहिए
होश जाते रहे रक़ीबों के
'दाग़' को और बा-वफ़ा कहिए
nā-ravā kahiye nā-sazā kahiye
kahiye kahiye mujhe burā kahiye
tujh ko bad-ahd o bevafā kahiye
aise jhūTe ko aur kyā kahiye
dard dil kā na kahiye yā kahiye
jab vo pūchhe mizāj kyā kahiye
phir na rukiye jo mudda.ā kahiye
ek ke ba.ad dūsrā kahiye
aap ab merā muñh na khulvā.eñ
ye na kahiye ki mudda.ā kahiye
vo mujhe qatl kar ke kahte haiñ
māntā hī na thā ye kyā kahiye
dil meñ rakhne kī baat hai ġham-e-ishq
is ko hargiz na barmalā kahiye
tujh ko achchhā kahā hai kis kis ne
kahne vāloñ ko aur kyā kahiye
vo bhī sun leñge ye kabhī na kabhī
hāl-e-dil sab se jā-ba-jā kahiye
mujh ko kahiye burā na ġhair ke saath
jo ho kahnā judā judā kahiye
intihā ishq kī ḳhudā jaane
dam-e-āḳhir ko ibtidā kahiye
mere matlab se kyā ġharaz matlab
aap apnā to mudda.ā kahiye
aisī kashtī kā Dūbnā achchhā
ki jo dushman ko nāḳhudā kahiye
sabr furqat meñ aa hī jaatā hai
par use der-āshnā kahiye
aa ga.ī aap ko masīhā.ī
marne vāloñ ko marhabā kahiye
aap kā ḳhair-ḳhvāh mere sivā
hai koī aur dūsrā kahiye
haath rakh kar vo apne kānoñ par
mujh se kahte haiñ mājrā kahiye
hosh jaate rahe raqīboñ ke
'dāġh' ko aur bā-vafā kahiye
ناروا کہئے ناسزا کہئے
کہئے کہئے مجھے برا کہئے
تجھ کو بد عہد و بے وفا کہئے
ایسے جھوٹے کو اور کیا کہئے
درد دل کا نہ کہئے یا کہئے
جب وہ پوچھے مزاج کیا کہئے
پھر نہ رکئے جو مدعا کہئے
ایک کے بعد دوسرا کہئے
آپ اب میرا منہ نہ کھلوائیں
یہ نہ کہئے کہ مدعا کہئے
وہ مجھے قتل کر کے کہتے ہیں
مانتا ہی نہ تھا یہ کیا کہئے
دل میں رکھنے کی بات ہے غم عشق
اس کو ہرگز نہ برملا کہئے
تجھ کو اچھا کہا ہے کس کس نے
کہنے والوں کو اور کیا کہئے
وہ بھی سن لیں گے یہ کبھی نہ کبھی
حال دل سب سے جا بجا کہئے
مجھ کو کہئے برا نہ غیر کے ساتھ
جو ہو کہنا جدا جدا کہئے
انتہا عشق کی خدا جانے
دم آخر کو ابتدا کہئے
میرے مطلب سے کیا غرض مطلب
آپ اپنا تو مدعا کہئے
ایسی کشتی کا ڈوبنا اچھا
کہ جو دشمن کو ناخدا کہئے
صبر فرقت میں آ ہی جاتا ہے
پر اسے دیر آشنا کہئے
آ گئی آپ کو مسیحائی
مرنے والوں کو مرحبا کہئے
آپ کا خیر خواہ میرے سوا
ہے کوئی اور دوسرا کہئے
ہاتھ رکھ کر وہ اپنے کانوں پر
مجھ سے کہتے ہیں ماجرا کہئے
ہوش جاتے رہے رقیبوں کے
داغؔ کو اور با وفا کہئے